प्रेमाला ‘ना उम्र की सीमा’ असते ना ‘बंधन’, हेच या घटनेकडे पाहून वाटावे. धार्मिकस्थळी या दोघांची ओळख झाली. वयाची बंधने झुगारून दोघे एकमेकांच्या प्रेमात (?) पडले. वयाच्या मर्यादेमुळे समाज आपल्याला जगू देणार नाही, असे महिलेला वाटले. त्यामुळे या विवाहित महिलेने आपल्या या १६ वर्षीय प्रियकराचे अपहरण केले. चार महिने दोघेही लिव्ह इन रिलेशनशिपमध्ये राहिले. त्याचदरम्यान मुलाला इन्स्टाग्रामची सवय जडली अन् तो पोलिसांना सापडला. पोलिसांनी महिलेला अपरहण प्रकरणात ताब्यात घेत मुलाला नातेवाइकांच्या स्वाधीन केले.
अबब! ४५ दिवसांत ३० कोटींची कमाई? कोण आहे प्रयागराजचा पिंटू, ज्याचं CM योगी आदित्यनाथ यांनी स्वतः केलं कौतुक
ही ३६ वर्षीय महिला विवाहित असून, तिला तीन अपत्ये आहेत. तिचा पती श्रमिक आहे. मुलगा अकरावीत आहे. नोव्हेंबर महिन्यात ही महिला व त्या १६ वर्षीय मुलाची ओळख झाली. दोघे एकमेकांच्या प्रेमात पडले. लपूनछपून ते भेटायला लागले. दोघांनी संसार फुलविण्याचा निर्णय घेतला. २ डिसेंबरला महिला व मुलाने नागपुरातून पलायन केले. दोघेही बालाघाट येथे राहायला लागले. मुलाच्या घरी खळबळ उडाली. त्याच्या वडिलांनी शोध घेतला. मात्र, मुलगा आढळून आला नाही. वडिलांनी लकडगंज पोलिस ठाण्यात तक्रार दिली. पोलिसांनी अपहरणाचा गुन्हा दाखल केला. गुन्हे शाखा उपायुक्त राहुल माकणीकर यांच्या मार्गदर्शनाखाली शोध सुरू केला.
धारावीच खरे मेक इन इंडिया! काँग्रेस नेते राहुल गांधींनी धारावीकरांसह चर्मकारांशी साधला संवाद
इन्स्टाग्राममुळे लागला शोध
मुलाचे इन्स्टाग्राम आयडी असल्याची माहिती पोलिसांना मिळाली. पोलिसांनी त्याआधारे त्याचा शोध सुरू केला. तो बालाघाटला असल्याचे कळताच पोलिसांचे पथक तेथे गेले. पोलिस तो राहात असलेल्या ठिकाणी गेले असता, त्याच्यासोबत महिला आढळली. दोघांच्या चौकशीदरम्यान ही एक छोटी सी लव्हस्टोरी समोर आली. पोलिसांनी दोघांना नागपुरात आणले. मुलाला नातेवाइकांच्या स्वाधीन केले. अपहरण प्रकरण असल्याने पोलिस महिलेची चौकशी करीत आहेत.