बीडच्या शिरूर तालुक्यातील बावी येथील ढाकणे पिता पुत्राला सतीश भोसले व त्याच्या इतर साथीदारांनी मारहाण केल्याची घटना 19 फेब्रुवारी रोजी घडली होती. दीपक ढाकणे या गरीब शेतकऱ्याने सतीश भोसले उर्फ खोक्या याच्या हरणाच्या शिकार करण्यात अडथळा आणला म्हणून दीपक ढाकणे यांचे दात हातात येईपर्यंत अक्षरशः ओठाचे तुकडे तुटून निघेपर्यंत मारले. या प्रकरणात आता शिरूर पोलीस ठाण्यात गुन्हा दाखल करण्यात आलाय.. या प्रकरणात सतीश भोसले व त्याच्या साथीदारांनी मारहाण केल्याने ढाकणे कुटुंब प्रचंड दहशतीखाली असून आम्हाला पोलीस संरक्षण द्यावे अशी मागणी त्यांनी केली आहे