‘तुमच्या औलादी कोणत्या शाळेत शिकल्या?’

“राज ठाकरे ज्याप्रकारे व्यक्त झाले, मला खरोखर राज ठाकरेंची कीव येते. राज ठाकरे मला हे सांगा, तुमचे जी मुलं आहेत, तुमच्या औलादी कोणत्या शाळेत शिकल्या? स्वत:चे लेकरं कॉन्वेंट, स्वत:ची लेकरं आयबीडीपीमध्ये शिकवणारी माणसं दुसऱ्याला सांगतात ही भाषा शिका, ती भाषा शिका”, असा घणाघात गुणरत्न सदावर्ते यांनी केला. “संविधानानुसार भय्याजी जोशी यांच्या वक्तव्यात आक्षेपार्ह असं काहीही नाही”, असंदेखील सदावर्ते म्हणाले.

“ऋषीतुल्य भय्याजी जोशी यांचा 70 वर्षांचा गाढा अभ्यास, संघ प्रवास आणि ते संघाचे पूर्व कार्यवाहक होते. त्यांच्या एकूण चिंतनातून व्यक्त झालेली ही बाब आहे. भाषेला अभिजात म्हणण्यापेक्षा भाषा ही आपल्या इच्छेनुसार व्यक्त होण्यासाठी एक मानवी जीवनाला मिळालेलं साधन आहे. भैय्याजी जोशींनी जे वक्तव्य केलं आहे त्याचं मी समर्थन करतो. त्यांच्या वक्त्याचं मी खरोखर स्वागत करतो”, अशी भूमिका गुणरत्न सदावर्ते यांनी मांडली.
Maharashtra Politics : विधानसभेत हंगामा, सत्ताधारी सुधीर मुनगंटीवार यांनीच कृषीमंत्र्यांना सुनावलं

भय्याजी जोशींचं वक्तव्य काय?

“मुंबईची कोणतीही एक भाषा नसून अनेक भाषा आहेत. वेगवेगळ्या भाषात वेगवेगळी भाषा असते. जशी घाटकोपर परिसराची भाषा गुजराती, त्याचप्रमाणे गिरगावात हिंदी बोलणारे कमी सापडतील. तिथे तुम्हाला मराठी भाषा बोलणारे लोक दिसतील. मुंबईत येणाऱ्या व्यक्तीनं मराठी शिकलं पाहिजे असं काही नाही”, असं वादग्रस्त वक्तव्य भय्याजी जोशी यांनी केलं होतं. त्यांच्या या वक्तव्यावर चौफेर टीका करण्यात आली. महाविकास आघाडीच्या आमदारांनी भय्याजी जोशींच्या वक्तव्यावरुन विधानसभेत गोंधळ घातला. तसेच राज ठाकरे यांनीदेखील टीका केली. पण वकील गुणरत्न सदावर्ते हे भय्याजी जोशींच्या समर्थनार्थ मैदानात उतरले आहेत.