“सतीश भोसले हा आमचा कार्यकर्ता असला तरी कारवाई करा. संबंधित घटनेची माहिती पोलिसांकडून घेतली. यावेळी ही घटना दीड वर्षांपूर्वी घडल्याची माहिती मिळाली. मुलीची छेड काढण्याच्या घटनेवरन ही मारहाण झाली होती”, असं सुरेश धस यांनी स्पष्ट केलं आहे. सतीश भोसले या कार्यकर्त्याविरोधात तक्रार आल्यास कारवाई करण्याचे आदेश पोलिसांना दिल्याचं देखील सुरेश धस यांनी यावेळी सांगितलं आहे.

सुरेश धस नेमकं काय म्हणाले?

“सतीश भोसले हा आमचाच कार्यकर्ता आहे. मी आता सोशल मीडियावर व्हिडीओ व्हायरल झाल्यानंतर संबंधित पोलीस ठाण्याच्या अधिकाऱ्यांना फोन केला. हा घटनेचा प्रकार काय आहे? याची चौकशी केली. तेव्हा त्यांनी सांगितलं की, दीड वर्षांपूर्वीची ही घटना आहे”, असं सुरेश धस यांनी स्पष्ट केलं.

“आमच्या इथे ऊसतोड कामगार खूप असतात. ही घटना कुठल्या तरी एका कारखान्यात घडली आहे. मुलीच्या छेडछाडीवरुन ती घटना घडली आहे. या घटनेची कुठेही केस झालेली नाही. मी स्पष्टपणे सांगून ठेवलं आहे की, जरी माझा कार्यकर्ता असला तरी त्याच्याबाबतीत काही तक्रार आली तर ती नोंद करा आणि त्यावर योग्य ती कारवाई करा”, अशी प्रतिक्रिया सुरेश धस यांनी दिली.
Maharashtra Politics : जेव्हा आदित्य ठाकरे आणि मंत्री नितेश राणे एकमेकांसमोर येतात
दरम्यान, संबंधित व्हिडीओ हा खरंच जुना आहे का? तो खरंच जुना असेल तर आताच सोशल मीडियावर व्हायरल का करण्यात आला? हे व्हिडीओ व्हायरल करण्यामागे कुणाचा काही हेतू होता का? असे प्रश्न आता उपस्थित होत आहेत. सध्या संतोष देशमुख हत्या प्रकरण आणि जालन्यातील भोकदन येथे एका व्यक्तीला तापत्या सळईचे चटके दिल्यामुळे राजकीय वातावरण तापलं आहे. अशा परिस्थितीत शिरुर तालुक्यातील व्हिडीओ समोर आला आहे.