Santosh Deshmukh Case Walmik Karad Update : संतोष देशमुख हत्या प्रकरणात वाल्मिक कराड मुख्य आरोपी असल्याचे आरोपपत्रात नमूद केले आहे. त्याच्या तीन आयफोनमधील डाटा एसआयटीने रिकव्हर केला आहे. विविध ठिकाणी कराड आणि त्याच्या पत्नीच्या नावाच्या संपत्ती तसेच महागड्या गाड्यांचे तपशील पोलिसांनी जप्त केले आहेत. या पुराव्यामुळे कराडची अडचण वाढली असून राज्याची लक्ष पुढील कारवाईकडे आहे.
आरोपपत्रातील तीन महत्त्वाच्या गोष्टी, यातील एक म्हणजे तीन आयफोन जे वाल्मिक कराड वापरत होता, त्यातील त्याने डेटा डिलीट केला होता. iphone 15 pro, iphone 13 pro आणि iphone 13 pro असे तीन आयफोन होते. एसआयटीने तिन्हींचा डेटा रिकव्हर केला आहे. २५-८-२०२४ ते ०७-०१-२०२५ पर्यंतचा डेटा डिलीट केला होता. एसआयटीने फॉरेन्सिक लॅबकडे मोबाईल पाठवत हा डेटा रिकव्हर केला असून याचा आता पोलीस तपास करत आहेत.
वाल्मिक कराड आणि त्याच्या पत्नीच्या नावावर राज्यभर अनेक ठिकाणी संपत्ती असल्याचं पाहिलं होतं. त्यासोबतच कराडकडे असलेल्या आठ महागड्या गाड्या या जप्त करण्याासाठी एसआयटीने न्यायालाकडे अर्ज केला आहे. मर्सडीज बेन्झ, बीएमडब्लू, टोयोटा इनोव्हा, फोर्ड एंडेव्हर, अशोक लेलँड आणि जेसीबी इंडिया लिमिटेड या आठ गाड्या कराडकडे आहेत.
कराडचे जे वकील होते ते दावा करत होते की, कराड यांनी खंडणी मागितली नाही. पण अवादा कंपनीच्याो लोकांनी चित्रीत केला आहे. त्यामध्ये सुदर्शन घुले हा बोलत आहे की, १०० लोकं सांभाळण्यापेक्षा एक कराड यांना सांभाळा. तुम्हाला कोणताही त्रास होणार नाही, दोन कोटी त्यांना द्या तर तुमचं काम सुरू होईल. तुम्ही माझ्याविरोधात एनसी दाखल केली होती. तेही कराडांना समजलं असून ते संतापले आहेत. लवकरात लवकर त्यांची मागणी पूर्ण करा, हे पुरावे आता एसआयटीने दोषारोपपत्रात नमूद केले आहेत.
दरम्यान, वाल्मिक कराड याच्याविरोधात सापडल्याने या पुराव्याने आता त्याचा अडचणीत चांगलीच वाढ होताना दिसत आहे. आता या प्रकरणात पुढे काय घडतं? कोणावर कारवाई होते याकडे राज्याचं लक्ष लागलं आहे.
लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव.… आणखी वाचा