बीड प्रकरणात सुरुवातीपासूनच सुरेश धस, जितेंद्र आव्हाड हे आक्रमक होते. आकाचा आका धनंजय मुंडेच असल्याचं जितेंद्र आव्हाड ठणकावून सांगत होते. धनंजय मुंडे यांच्या राजीनाम्याची मागणी पण त्यांनी केलेली पाहायला मिळाली होती. या पार्श्वभूमीवर आज तिघांमध्ये नेमकी काय चर्चा होत असेल? अशी चर्चा विधान भवनाच्या परिसरात सुरु होती.

शुन्यात हरवलेले चेहरे

बीडच्या मस्साजोग गावचे सरपंच संतोष देशमुख हत्या प्रकरणाचे धक्कादायक फोटो समोर आले आहेत. आरोपींनी किती निर्घृणपणे संतोष देशमुखांची हत्या केली त्याचा प्रत्यय ते फोटो पाहिल्यावर येतो. अंगावर काटा येईल इतके भीषण फोटो ते आहेत. आरोपींनी संतोष देशमुखांची खूप हालहाल करुन हत्या केली. त्याहीपेक्षा खतरनाक म्हणजे आरोपींनी संतोष देशमुख पाण्यासाठी व्याकूळ झालेले असताना आरोपींनी त्यांच्या चेहऱ्यावर लघुशंका केली. तळपायाची आग मस्तकात जाईल, असा हा प्रकार आहे.

आरोपींना कसलाच भय राहिलेला नव्हता. आपण काहीही केलं, कुणाचीही हत्या केली तरी आपलं कुणीही काहीच वाईट करु शकत नाही, असं आरोपींना वाटत होतं. आरोपींना हे अभय कुणामुळे होतं ते आगामी काळात समोर येईलच. पण या घटनेचे फोटो सुन्न करणारे आहेत. संतोष देशमुखांना काय-काय सोसावं लागलं त्याचं वास्तव दाखवणारे ते फोटो आहेत. या भयावर घटनामुळे महाराष्ट्राच्या राजकारणीतील दिग्गज नेत्यांना देखील धक्का बसला आहे. ते देखील आश्चर्यचकीत आहेत. त्यामुळे संबंधित फोटोमध्ये तीनही दिग्गज नेत्यांचे चेहरे हे शुन्यात हरव्यासारखे भासत आहेत.