सुषमा अंधारे काय म्हणाल्या?

हिवाळी अधिवेशनामध्ये नागपूरला सभागृहाच्या पटलावर आमदार सुरेश धस (Suresh Dhas) यांनी दिलेली माहिती जशास तशी असल्याचं फोटो बघताना दिसत आहे. याचा स्पष्ट अर्थ सुरेश धस यांच्याकडे भाजपचे गृहमंत्री असणाऱ्या देवेंद्र फडणवीस यांच्यामुळे माहिती आली होती. आरोपीबद्दल खडान्खडा माहिती असताना सुद्धा फडणवीसांनी जाणीवपूर्वक पक्षीय अजेंडा राबविण्यासाठी मौन बाळगले.

सगळी माहिती फोटो व्हिडिओ हाताशी असून सुद्धा अडीच तीन महिने देशमुख कुटुंबीय आणि महाराष्ट्राच्या भावनांशी खेळणाऱ्या देवेंद्र फडणवीसांनी आधी नैतिकता म्हणून राजीनामा द्यायला हवा.
Devendra Fadnavis On Dhananjay Munde Resignation : धनंजय मुंडे यांना मुक्त केलंय, मंत्रिपदाचा राजीनामा स्वीकारताच फडणवीसांची पहिली प्रतिक्रिया
धनंजय मुंडे यांचा राजीनामा हा नैतिकता म्हणून नाही तर अपरिहार्यता म्हणून घेतला आहे. या राजीनामासाठी जो वेळ लागला तो वेळ देवेंद्र फडणवीस यांनी हाताशी माहिती असताना सुद्धा सर्व आरोपींना वाचवण्यासाठी घेतला आहे हा उघड अर्थ आहे.

Dhananjay Munde Resigns : वैद्यकीय कारणास्तवही राजीनामा देतोय, धनंजय मुंडेंची सबब, मंत्रिपद सोडताच सविस्तर प्रतिक्रिया

धनंजय मुंडेंचा राजीनामा

बीड जिल्ह्यातील मस्साजोग गावचे सरपंच संतोष देशमुख यांच्या हत्येचे अमानुष फोटो समोर आल्यानंतर महाराष्ट्रात तीव्र संताप व्यक्त केला जात आहे. निकटवर्तीय वाल्मिक कराडचं (Valmik Karad) नाव हत्या प्रकरणातील आरोपपत्रात आल्यानंतर धनंजय मुंडे यांनी अखेर मंत्रिपदाचा राजीनामा (Dhananjay Munde Resignation) दिला. सध्या अजित पवार यांच्या नेतृत्वातील राष्ट्रवादीत असलेल्या धनंजय मुंडे यांच्याकडे अन्न नागरी पुरवठा, ग्राहक संरक्षण विभागाचे मंत्रिपद होते.