चहापानाच्या कार्यक्रमातील काही व्हिडीओ समोर आले आहेत. या व्हिडीओंमध्ये अजित पवार आणि धनंजय मुंडे हे एकमेकांपासून फार लांब उभे असल्याचं बघायला मिळत आहेत. विशेष म्हणजे अजित पवार हे धनंजय मुंडे यांच्यासोबत बोलण्याचं टाळत असल्याचं बघायला मिळालं. धनंजय मुंडे अजित पवार यांच्या दिशेला जात असतानाच ते वेगाने तिथून जातानाचा व्हिडीओदेखील समोर आला आहे. त्यामुळे अजित पवार यांनी धनंजय मुंडे यांच्यासोबत अबोला धरला का? अशी चर्चा राजकीय वर्तुळात सुरु आहे.

विरोधकांची मुंडेंच्या राजीनाम्याची मागणी, अजित पवार म्हणाले…

अजित पवार यांनी काही दिवसांपूर्वी धनंजय मुंडे यांच्या राजीनाम्याच्या प्रश्नावर प्रतिक्रिया दिली होती. भ्रष्टचाराचे आरोप झाले तेव्हा अनेक दिग्गज नेत्यांना नैतिकता म्हणून आपल्या पदाचा राजीनामा द्वावा लागला आहे. विशेष म्हणजे आपल्याला स्वत:ला विरोधकांच्या आरोपांनंतर मंत्रिपदाचा राजीनामा द्यावा लागला होता. त्यामुळे राजीनामा द्यावा की नाही याबाबत धनंजय मुंडे यांनी ठरवावं, असं अजित पवार उघडपणे म्हणाले होते. त्यामुळे अजित पवार यांनी अप्रत्यक्षपणे धनंजय मुंडे यांचा राजीनामा मागितल्याची चर्चा राजकीय वर्तुळात सुरु होती. पण धनंजय मुंडे यांनी तरीही राजीनामा दिला नाही.
रोहिणी खडसे यांचा गंभीर आरोप, रक्षा खडसे यांच्या मुलीची छेड काढणारे एकनाथ शिंदेंच्या आमदाराचे कार्यकर्ते?

अजित पवार धनंजय मुंडेवर नाराज?

धनंजय मुंडे हे गेल्या काही दिवसांपासून आजारी आहेत. त्यांच्या डोळ्यांवर शस्त्रक्रिया देखील झाली. पण दुसरीकडे सरपंच संतोष देशमुख हत्या प्रकरणामुळे विरोधकांकडून त्यांच्या राजीनाम्याची मागणी केली जात आहे. सामाजिक कार्यकर्त्या अंजली दमानिया यांनी तर धनंजय मुंडे यांच्यावर कृषी विभागाचे मंत्री असताना कोट्यवधींचे घोटाळे केल्याचा आरोप केलाय. या आरोपांमुळे सरकारपुढील दबाव वाढला आहे. दुसरीकडे आजारी असल्यामुळे धनंजय मुंडे हे गेल्या दोन-तीन मंत्रिमंडळ बैठकीत उपस्थितदेखील राहू शकलेले नाहीत. या सर्व घटनांमुळे अजित पवार हे धनंजय मुंडे यांच्यावर नाराज आहेत का? अशी चर्चा आता राजकीय वर्तुळात सुरु झाली आहे.