पुण्यातील स्वारगेट बसस्थानकात एका तरुणीवर अत्याचार केल्याची धक्कादायक घटना घडली. यानंतर पुणे पोलिसांनी आरोपी दत्ता गाडे याला ताब्यात घेतले असून त्याची चौकशी सुरू आहे. मात्र यादरम्यान गृहराज्यमंत्री योगेश कदम यांच्या वक्तव्याने नवा वाद निर्माण झालाय. घटना घडत असताना पीडित तरुणी ओरडली का नाही? अशी शंका कदम यांनी उपस्थित केलेली. कदम यांच्या या वक्तव्यावरून विरोधकांनी त्यांचा चांगलाच समाचार घेतला होता. परंतु आता यावर स्पष्टीकरण देत योगेश कदमांनी विरोधकांना सुनावले आहे. पोलिसांनी दिलेल्या माहितीनुसारच मी बोललो, मात्र त्याचा विपर्यास करण्यात आला असे ते म्हणाले.