नेमकं काय घडलं?

अमोल भुजबळ हा शहरातील खोब्रागडे नगर येथील रहिवासी असून तो एका खाजगी रुग्णालयात सुरक्षा रक्षक म्हणून काम करत होता. बुधवारी सकाळी सात वाजताच्या सुमारास तो स्कुटीवरून गणेशनगर भागातील एका दुकानावर सामान घेण्यासाठी आला होता. तो स्कुटीवर बसलेला होता आणि दुकानदार त्याला सामान देत होता. तो स्कुटीवरुन बसलेला असताना, काही वेळात पाठीमागून काळ्या कपड्याने तोंड झाकलेले दोघे जण धावत आले आणि अमोल बेसावध असताना याच्या मानेवर आणि पाठीवर खंजरने वार करण्यास सुरुवात केली.
Sindhudurg News : पुण्यातील पाच पर्यटक तारकर्ली समुद्रात बुडाले, दोघांचा मृत्यू; आनंदाच्या क्षणी आक्रित घडलं
हल्लेखोरांनी चाकू मारण्यास सुरुवात केल्यानंतर अमोल तेथून पळ काढू लागला. पण हल्लेखोरांनी त्याचा पाठलाग करत जवळपास आठ ते दहा वार जिथे मिळेल तिथे त्याच्या शरीरावर केले. यात अमोलचा जागीच मृत्यू झाला. अमोल भयंकर हल्ल्यानंतर तसाच रक्ताच्या थोराळ्यात रस्त्यावर पडलेल्या अवस्थेत होता. दोघांपैकी एकाने डोक्यावर हेल्मेट, तर दुसऱ्या एकाने काळा रुमाल तोंडाला बांधला होता. सकाळची वेळ असल्याने रस्त्यावर फारशी गर्दी नव्हती. त्यामुळे हल्लेखोरांनी सकाळीच त्याच्यावर बेसावधपणे भीषण वार केले.
कल्याण – डोंबिवली दरम्यान धावत्या लोकल ट्रेनमध्ये चाकू हल्ला, सकाळीच्या वेळी भरगर्दीत काय घडलं?

दिवसाढवळ्या घडलेल्या घटनेने गणेश नगर परिसरात एकच खळबळ उडाली आहे. घटनेनंतर हल्लेखोर पसार झाले. मात्र घटनेचा थरार सीसीटीव्ही कॅमेरात कैद झाला आहे. दरम्यान घटनेची माहिती मिळताच अतिरिक्त पोलीस अधीक्षक सूरज गुरव, पोलीस उपाधीक्षक सुशीलकुमार नायक, स्थानिक गुन्हे शाखेचे पोलीस निरीक्षक उदय खंडेराय यांच्यासह शिवाजीनगर पोलीस ठाण्याचे अधिकारी कर्मचाऱ्यांनी घटनास्थळी धाव घेतली. जुन्या वादातून ही हत्येची घटना घडल्याची माहिती आहे. फरार हल्लेखोरांचा पोलिसांकडून शोध सुरू आहे.