याविषयी धाराशिव पोलिसांनी सांगितले, की तामलवाडी (ता.तुळजापूर, जि. धाराशिव) येथे १५ फेब्रुवारी रोजी पोलिसांनी एमडी ड्रग्जचा मोठा साठा छापा मारून पकडला होता. तीन महिन्यांपासून पोलिस ड्रग्ज विक्री प्रकरणाचे धागेदोरे शोधण्याचा प्रयत्न करत होते. यापूर्वी दोन वेळा ड्रग्ज विक्री करणाऱ्या रॅकेटचा पर्दाफाश करण्याचा त्यांनी प्रयत्न केला मात्र दोन्ही वेळा आरोपींना सुगावा लागल्यामुळे मुद्देमालासह आरोपींना अटक करण्यात पोलिसांना यश आले नव्हते.
Gaja Marne: गुंड गजा मारणेचं आत्मसमर्पण; पोलीस ठाण्यात सोबत आलेली ‘ती’ वृद्ध महिला कोण?तुळजापूर शहरासह परिसरात एमडी ड्रग्ज विक्री करणारी टोळी

१५ फेब्रुवारी रोजी मिळालेल्या गुप्त माहितीच्या आधारे पोलिसांनी सापळा लावला आणि तुळजापूर शहरासह परिसरात एमडी ड्रग्ज विक्री करणाऱ्या टोळीला मुद्देमालासह गजाआड करण्यात तुळजापूर पोलिसांना मोठे यश आले. पोलिसांनी अडीच लाख रुपये किमतीच्या ५९ ड्रग्जच्या पुड्या आरोपींकडून हस्तगत केल्या. त्यानंतर एकच खळबळ उडाली होती. राजकीय आरोप प्रत्यारोप रंगताना देखील दिसले. तुळजापूरात इतक्या मोठ्या प्रमाणात ड्रग्ज सापडल्याने मोठी खळबळ निर्माण झाली होती.

पोलिसांना कारवाईत मोठे यश

पालकमंत्री प्रताप सरनाईक यांनी ७२ तासांची मुदत या प्रकरणात कारवाईसाठी दिला होता. या प्रकरणाची कारवाई आपण दिलेल्या माहितीनुसारच झाली असल्याचे आमदार राणाजगजितसिंह पाटील यांनी सांगितले होते. दरम्यान, या प्रकरणात मुंबईतून एका महिलेला अटक करण्यात आली. तिला नऊ दिवसांची पोलिस कोठडी सुनावण्यात आली असल्याचे पोलिसांनी सांगितले. ही महिला सध्या मुंबईत वास्तव्यास असली तरी सातारा जिल्ह्यातील वाई तालुक्यात तिचे मूळ गाव असल्याचे पोलिसांनी सांगितले.