विशेष म्हणजे पीएस आणि ओएसडी मुख्यमंत्रीच ठरवत असल्याने आमच्या हातात काहीही नाही, असंदेखील माणिकराव कोकाटे म्हणाले आहेत. त्यांच्या या वक्त्वाची सध्या राजकीय वर्तुळात चर्चा सुरु आहे. माणिकराव कोकाटे हे महायुती सरकारच्या कामांचं कौतुक करत आहेत की उद्विग्नता व्यक्त करत आहेत तेच कळत नसल्याची चर्चा राजकीय वर्तुळात आता सुरु झाली आहे.

माणिकराव कोकाटे नेमकं काय म्हणाले?

“अतिशय उत्कृष्ठ असं काम झालं. बहुमताने आम्ही जिंकून आलो. जिंकून आल्यानंतर पहिल्याच दिवशी मुख्यमंत्र्यांनी दम दिला. आता तुमच्या कुणाच्या जाण्यामुळे सरकारवर काही परिणाम होणार नाही. माझ्यासह! त्यामुळे जास्त मस्ती कराल तर घरी जाल. डिपार्टमेंटचं काम शिस्तित लागलं पाहिजे. शंभर दिवसांचा कार्यक्रम दिला. आमचे पीएस आणि ओएसडी सुद्धा मुख्यमंत्री ठरवतात. हे पण सांगतो तुम्हाला. आमच्याही हातात काही राहिलं नाही. त्यामुळे आम्हाला नीट काम करावंच लागेल”, असं माणिकराव कोकाटे म्हणाले.
शिंदेंच्या निर्णयांना स्थगिती, दादांनी पत्र पाठवताच फिरली जादुची कांडी; CMनं लगेच आदेश काढले

माणिकराव कोकाटे वादाच्या भोवऱ्यात

कृषीमंत्री माणिकराव कोकाट नुकतंच कोर्टाच्या सुनावणीमुळे वादात सापडले आहेत. कोर्टाने 1995 च्या प्रकरणात माणिकराव कोकाटे यांना 2 वर्षांची शिक्षा सुनावली आहे. या प्रकरणी त्यांची आमदारकी धोक्यात येऊ शकते, अशी चर्चा आहे. तसेच माणिकराव कोकाटे यांनी शेतकऱ्यांच्या पीक विमाबाबत केलेल्या एका वक्तव्यावरुनही ते वादात सापडले आहेत. यानंतर आता त्यांनी महायुतीच्या कार्यप्रणालीवर बोलताना मोठं वक्तव्य केलं आहे. त्यांच्या वक्तव्याचा नेमका कसा अर्थ काढायचा? अशी चर्चा देखील राजकीय वर्तुळात सुरु आहे.