दुर्गेश्वरी व राहुलचे संबंध आहेत. याबाबत नरेंद्र यांना कळाले. त्यावरुन त्यांचे दुर्गेश्वरीसोबत नेहमी खटके उडायचे. राहुल व दुर्गेश्वरीने नरेंद्र यांचा अपमान करीत त्यांना मारहाण केली. शिवीगाळही केली. त्यामुळे नरेंद्र तणावात राहायला लागले.

१७ फेब्रुवारीला सकाळी नरेंद्र यांनी लोखंडी हुकला दुपट्टा बांधून गळफास घेतला. याप्रकरणी मानकापूर पोलिसांनी आकस्मिक मृत्यूची नोंद करून तपास सुरू केला. तपासादरम्यान दुर्गेश्वरी व राहुलने मारहाण केल्याने नरेंद्र यांनी आत्महत्या केल्याचे समोर आले. पोलिसांनी आत्महत्येस प्रवृत्त केल्याचा गुन्हा दाखल करून दुर्गेश्वरीला अटक केली.
Nagpur Crime : लग्नघर आहे बाबा, कशाला तमाशे करतो? एकतर्फी प्रेमातून तरुणीच्या विवाहात राडा, २३ वर्षीय तरुणाने जीव गमावला

सांगलीत पतीकडून पत्नीची हत्या

दुसरीकडे, सांगलीच्या सरकारी घाटावर पतीने पत्नीचा गळा चिरुन निर्घृण खून केल्याचे समोर आले आहे. प्रियांका चव्हाण असे मयत महिलेचे नाव असून खुनानंतर हल्लेखोर पतीने पोबारा केला. खुनाच्या घटनेची माहिती मिळताच वरिष्ठ पोलिस अधिकारी घटनास्थळी दाखल झाले. पती पत्नीच्या वादातून खुनाचा प्रकार घडल्याची माहिती आहे.

प्रियांका जाकाप्पा चव्हाण (रा. सांगलीवाडी) असे मयत महिलेचे, तर जाकाप्पा सोमनाथ चव्हाण असे आरोपी पतीचे नाव आहे. संशयित पती घटनेपूर्वी बबळेश्वर काकटगी कर्नाटक येथे रहात होता तर पत्नी प्रियांका ही सांगली वाडी येथे आपल्या आईकडे रहात होती. ती सांगलीतील साड्यांच्या दुकानात काम करत होती.
Nashik News : क्रिकेट मॅचमध्ये ‘सामना’ रंगला, सिव्हिल सर्जनची डॉक्टरला बॅटने मारहाण? नाशिकमध्ये खळबळ
रविवारी रात्री आठ वाजण्याच्या सुमारास पती जाकाप्पा चव्हाण आणि पत्नी प्रियांका हे सरकारी घाटावर बोलत बसले होते. यावेळी त्यांच्यात वाद झाला. या वादातूनच पतीने सोबत आणलेला चाकू काढून पत्नी प्रियांकाचा गळा चिरला. या घटनेनंतर हल्लेखोर पतीने पळ काढला. घटनेची माहिती मिळताच सांगली शहर पोलिसांसह वरिष्ठ पोलिस अधिकाऱ्यांनी घटनास्थळी धाव घेत माहिती घेतली.