एकनाथ शिंदे एक डरा हुआ आदमी, लोहपुरूष कोण अमित शहा? मग बाळासाहेब ठाकरे कोण, लाचार आहेत हे सगळे घाबरलेले आहेत. खरी शिवसेना कोणती खोटी कोणती हे अमित शहा सत्तेत नसतील तेव्हा कळेल. आज दहशत दबाव , पैशाची ताकद आणि निवडणूक आयोग त्यांच्या हातात आहे. एकनाथ शिंदे यांनी स्वत:चा पक्ष स्थापन करून पाच आमदार निवडून आणून दाखवावेत. इतकंच काय त्यांनी चोरलेलं चिन्ह परत द्यावं आणि नवीन चिन्हावर निवडणूक लढून दाखवावी. बाळासाहेबांच्या घरात चोऱ्या माऱ्या करता आणि अमित शहांची दादागिरी दाखवता. अमित शहा आणि मोदी हे अमृत पिऊन नाही आले कधी ना कधी जायचंच आहे, त्यावेळी जनता निर्णय घेईल की कोण खरं आहे आणि कोण खोटं आहे, असं म्हणत संजय राऊत यांनी शिंदेंना आव्हान दिलं.
माणिकराव कोकाटे यांच्या राजीनाम्यासाठी जितेंद्र आव्हाड आक्रमक
जे दहावेळा पक्ष सोडून गेलेत, त्यांना पहिलं मंत्रीपद उद्धव ठाकरेंनी दिलं आहे त्यांच्या वडिलांनासुद्धा हे त्यांनी विसरू नये.
दहावेळा साड्या बदलणारे लोकं आहेत हे, त्यांनी आम्हाला शिकवू नये. आपण मातोश्रीवर येत होतात आणि जात होतात. तुम्हालाही धक्के बसतील, धक्का बसू नये म्हणून तुम्ही पक्ष बदलता. हिंमत असती तर पक्ष बदलले नसते. ज्या काँग्रेसने तुम्हाला सर्व काही दिलं, ज्या शिवसेनेनेही तुम्हाला सर्व काही दिलं त्यांच्याबद्दल असं बोलता म्हणत संजय राऊतांनी विखे पाटलांवर निशाणा साधला.