परभणीच्या पालकमंत्री आमदार मेघना बोर्डीकर यांनी महायुतीमध्ये संघर्ष करावा लागत असल्याचे वक्तव्य केले आहे. आता मेघना बोर्डीकर यांच्या या विधानानंतर विविध चर्चा या रंगताना दिसत आहेत. बोर्डीकरांचा निशाणा नेमका कोणावर होता, असा एक प्रश्न देखील उपस्थित केला जात आहे.
मेघना बोर्डीकरांनी व्यक्त केली मनातील खदखद?
मेघना बोर्डीकर या जिंतूर मतदार संघातून दुसऱ्यांदा आमदार म्हणून भाजपाकडून निवडून आल्या आहेत. विशेष म्हणजे त्यांच्या गळ्यात पालकमंत्रिपदाची माळ पडलीये. नुकताच बोलताना मेघना बोर्डीकर यांनी मोठे विधान केले. मेघना बोर्डीकर म्हणाल्या की, आपल्याला इथे जसा संघर्ष करावा लागतो, तसा आम्हाला सुद्धा महायुतीच्या लोकांसोबत संघर्ष करावा लागतो. प्रत्येकजण आपला पक्ष वाढवण्यासाठी प्रयत्न करत असतो.
Amit Shah: ५ कोटी लोकांना २०२९पर्यंत हक्काचं घर; केंद्रीय गृहमंत्री अमित शहा यांची मोठी घोषणामहायुतीतील लोकांसोबत संघर्ष करावा लागतो
पुढे मेघना बोर्डीकर म्हणाल्या, प्रत्येकजण आपल्या कार्यकर्त्यांना बळ देण्यासाठी आपआपल्या पद्धतीने प्रयत्न करत असतो. पण त्यामधूनही आपल्याला उभे राहायचे असते. मेघना बोर्डीकर या सध्या त्यांच्या विधानामुळे चांगल्याच चर्चेत आल्याचे बघायला मिळतंय. मेघना बोर्डीकरांचा निशाणा नेमका कोणावर होता, याबद्दल आता विविध चर्चा या रंगताना दिसत आहेत. मेघना बोर्डीकर आपल्या मतदार संघात चांगल्याच सक्रिय असतात.
दुसऱ्यांदा आमदार आणि मंत्रिपदाची माळ गळ्यात
जिंतूर विधानसभा मतदारसंघामधून राष्ट्रवादी काँग्रेस शरदचंद्र पवार पक्षाचे विजय भांबळे यांच्या विरोधात मेघना बोर्डीकर यांनी विधानसभेची निवडणूक लढवली. विशेष म्हणजे मेघना बोर्डीकर यांनी विजय भांबळे यांचा ४ हजार ५१६ मतांनी पराभव केला. बोर्डीकरांनी विधानसभेत भांबळेंचा दुसऱ्यांदा पराभव केला आहे. मेघना बोर्डीकर या मंत्री पंकजा मुंडे यांच्या अत्यंत विश्वासू असून दसरा मेळाव्याला त्या कायमच हजेरी लावतात. मेघना बोर्डीकरांच्या माध्यमातून परभणी जिल्हाला मंत्रिपद मिळाले आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा