Nagpur Crime News : नागपूरमधून संतापजनक घटना समोर येत आहे. प्रेमाच्या जाळ्यात अडकवून प्रियकराने प्रेयसीसह तिच्या तरुण मुलीवर देखील बलात्कार केला आहे. आक्षेपार्ह चित्रफित काढून ती समाजमाध्यमांवर व्हायरल देखील केली आहे.
जरीपटका पोलिस ठाण्याच्या हद्दीत ही खळबळजनक घटना उघडकीस आली आहे. पोलिसांच्या माहितीनुसार, पीडित महिला दोन मुलींसह राहते. सुमारे दहा वर्षांपूर्वी पीडित महिलेची चालकासोबत ओळख झाली. त्याने तिला प्रेमाच्या जाळ्यात ओढले. तिचे लैंगिक शोषण केले. दरम्यान त्याने महिलेच्या २० वर्षीय मुलीला देखील प्रेमाच्या जाळ्यात ओढले आणि तिच्यावर बलात्कार केला. या संपूर्ण कृत्याची त्याने मोबाइलद्वारे दोघींच्या आक्षेपार्ह चित्रफीतही काढल्या. याचित्रफीत व्हायरल करण्याची धमकी देऊन तो दोघींचे लैंगिक शोषण करत होता.
अपहरण करुन जंगलात नेलं अन् डान्सरसोबत ६ जणांचं घृणास्पद कृत्य; नराधम अटकेत
दरम्यान, त्याने नंतर पीडितांच्या या आक्षेपार्ह चित्रफीत इंस्टाग्रामवर व्हायरल केल्या. ती त्याच महिलेच्या लहान मुलीला दिसली. तिने आई व बहिणीला याबाबत सांगितले. समाजमाध्यमांवर चित्रफीत व्हायरल झाल्याने महिलेने जरीपटका पोलिसांत तक्रार दिली. पोलिसांनी गुन्हा दाखल करून चालकाचा शोध सुरू केला आहे.
महिला सुरक्षेचा प्रश्न दिवसेंदिवस गडद होत चालला आहे. तरुण वासनांध होऊन महिलांसोबत घृणास्पद कृत्य करत आहेत. अशीच एक घटना खळबळजनक घटना मुंबईतून देखील समोर आली होती. दिल्ली क्राइम ब्रांचचा सायबर सिक्युरिटी ऑफिसर असल्याचे सांगून व्यक्तीने तरुणींना फसवले असल्याची घटना उघडकीस आली होती. उच्चभ्रू सोसायटीतील तरुणींना लक्ष्य करुन त्याने आपल्या जाळ्यात ओढले. नंतर त्यांना महागड्या वस्तू देऊन फूस देखील लावली. त्यानंतर त्यांच्यावर लैंगिक अत्याचार देखील केले. शरीराची भूक भागल्यानंतर त्याने तरुणींची आर्थिक फसवणूक देखील केली असल्याचे पोलीस तपासात उघड झाले. पोलिसांनी आरोपीला गुजरातमधून अटक केली.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा