राज्यातील सायबर एजन्सीने नोटीसमध्ये असे नमूद केले होते की, विकीपीडियावरील मजकूर चुकीचा आहे आणि त्यामुळे राज्यात कायदा आणि सुव्यवस्थेची परिस्थिती निर्माण होऊ शकते. कारण मराठा साम्राज्याचे संस्थापक छत्रपती शिवाजी महाराज यांचे पुत्र संभाजी महाराज हे भारतात पूजनीय आहेत. विकिपीडियावर पोस्ट केलेल्या माहितीमुळे त्यांच्या अनुयायांमध्ये असंतोष निर्माण होऊ शकतो.
कृषी पंपांना मोफत वीज देण्याचा विषय मुख्यमंत्र्यांचा…, कृषीमंत्र्यांनी जबाबदारी झटकली; शेतकऱ्यांना दिलासा मिळणार?
विकिमीडिया फाउंडेशन ही एक स्वयंसेवी संस्था आहे ज्याची धुरा विकिपीडिया सांभाळते. पोलीस अधिकाऱ्यांनी सांगितले की, विकिमीडियाकडून मजकूर हटवण्याबाबत कोणताही प्रतिसाद न मिळाल्याने आम्ही विकिपीडियाच्या चार संपादकांविरोधात गुन्हा दाखल केला आहे. संभाजी महाराजांच्या जीवनावर आधारित ‘छावा’ हा हिंदी चित्रपट प्रदर्शित झाला आहे. याच पार्श्वभूमीवर हा आक्षेपार्ह मजकूर लिहल्याचे सांगितले जातेय. या चित्रपटा सध्या प्रेक्षकांवर चांगलाच प्रसिद्ध झाला आहे.

दरम्यान, विकिपीडियावर छत्रपती संभाजी महाराजांबद्दल सर्च करताच आक्षेपार्ह मजकूर दिसत असल्याने शिवप्रेमींमध्ये रोष निर्माण झाला होता. तर अभिनेता कमाल खान यांनी देखील आपल्या एक्स अकाउंटवर हा मजकूर शेअर करत आक्षेप नोंदवला. हा मजकूर संभाजी महाराजांची प्रतिमा हनन करणारा आहे, अशा शब्दांत खान यांनी आक्षेप नोंदवला. या संपूर्ण प्रकाराची मुख्यमंत्र्यांनी गंभीर दखल घेत विकिपीडियावर कठोर कारवाई केली जाणार, असे नमूद केले होते. त्यानुसार आता पोलीस कारवाईचा बडगा उगारला असून चार जणांवर गुन्हा दाखल केला आहे.