सन २०२३-२४ मध्ये याच कालावधीत चार कोटी २८ लाख ११ हजार ३२४ लिटर मद्य नाशिककरांनी फस्त केले होते. गतवर्षीपेक्षा यंदा २४ लाख ६४ हजार ४०३ लिटर अधिक मद्यविक्री झाली आहे. एकीकडे २०२३ च्या तुलनेत २०२४ मधील काही महिन्यांत देशी दारू, बीअरसह वाइनची विक्रीही घटली असताना विदेशी मद्याच्या विक्रीत मात्र सरासरी ११.१० टक्के वाढ झाली. नाशिकने गेल्या दहा महिन्यांत केवळ मद्याशी संबंधित उलाढालीतून तब्बल पाच हजार ११३ कोटींचा निधी मिळवून दिला आहे. विशेष म्हणजे गतवर्षीच्या तुलनेत त्यामध्ये ४३३ कोटींची वाढ झाली आहे. म्हणजेच दरमहा तब्बल ४३ लाखांचा अधिकचा निधी नाशिककर सरकारला देत आहेत.
Jitendra Awhad: अजित पवार हे सारे थांबवा, अजून किती घरं…; पक्षप्रवेशाच्या नाट्यावरुन जितेंद्र आव्हाड भडकले
नाशिकमध्ये विदेशी मद्याला मोठी मागणी असल्याचे राज्य उत्पादन शुल्क विभागाकडून प्राप्त आकडेवारीवरून स्पष्ट होते. देशी दारू, विदेशी दारू, बीअर आणि वाइन या प्रकारांमध्ये मद्य उपलब्ध होते. तुलनेने स्वस्त देशी मद्याला सर्वाधिक मागणी असते. त्या खालोखाल विदेशी मद्य आणि बीअरला मागणी असते. सन २०२३-२४ च्या तुलनेत २०२४-२५ या वर्षात दोन लाख ४५ हजार ८९९ लिटर अधिक देशी मद्याची विक्री झाली. बीअरच्या विक्रीत नऊ लाख ७४ हजार ७९९ लिटरने वाढ झाली. विदेशी मद्याच्या विक्रीत तर विक्रमी वाढ झाली. एप्रिल २०२३ ते जानेवारी २०२४ या दहा महिन्यांत एक कोटी १५ लाख ९१ हजार ५८७ लिटर मद्याची विक्री झाली होती. एप्रिल २०२४ ते जानेवारी २०२५ या कालावधीत एक कोटी २८ लाख ७८ हजार १४३ विदेशी मद्याची विक्री झाली. म्हणजेच त्यात तब्बल १२ लाख ८६ हजार ५५६ लिटरने वाढ होऊन महिन्याकाठी सुमारे सव्वालाख लिटर मद्याची अधिक विक्री झाली.
गरज सरो वैद्य मरो… लाडक्या बहिणींची मोठी फसवणूक; विजय वडेट्टीवारांची महायुती सरकारवर टीका
महसुलाचे उद्दिष्ट दृष्टिपथात
यंदा एप्रिल २०२४ ते मार्च २०२५ या आर्थिक वर्षात राज्य उत्पादन शुल्कच्या नाशिक विभागाला पाच हजार ९५२ कोटी १८ लाख रुपये महसूल वसुलीचे उद्दिष्ट आहे. दि. ११ फेब्रुवारी २०२५ पर्यंत त्यापैकी पाच हजार ११२ कोटी ७८ लाख रुपये महसूल जमा झाला आहे. त्यानुसार एकूण उद्दिष्टाच्या ८५.९० टक्के महसूल वसुली झाल्याची माहिती सूत्रांनी दिली. गतवर्षीच्या तुलनेत चालू आर्थिक वर्षात आतापर्यंत ९.२५ टक्के अधिक महसूल मिळविण्यात उत्पादन शुल्कला यश आले आहे.
पालकमंत्रिपद हुकणार? कृषिमंत्री माणिकराव कोकाटेंच्या शिक्षा प्रकरणाने राष्ट्रवादी ‘बॅकफूट’वर
डिसेंबरमध्ये सव्वाशे कोटी अधिक
सरत्या इंग्रजी वर्षाला डिसेंबरमध्ये निरोप दिला जातो. ‘थर्टी फर्स्ट’ धूमधडाक्यात साजरा करण्याची पाश्चात्य संस्कृती आपल्याकडेही रुळली आहे. त्यामुळे फक्त डिसेंबरमध्ये राज्य उत्पादन शुल्क विभागाला तब्बल ७०२ कोटींचा महसूल मिळाला. अन्य नऊ महिन्यांच्या तुलनेत हा सर्वाधिक महसूल आहे. डिसेंबर २०२३ मध्ये ५७६ कोटी ७८ लाखांचा महसूल मिळाला होता. यंदा त्यामध्ये १२६ कोटी २१ लाखांची वाढ झाली. विशेष म्हणजे जानेवारी २०२५ मध्ये गतवर्षीच्या तुलनेत ३० कोटी ८१ लाख रुपये महसूल कमी मिळाला. जानेवारी २०२४ मध्ये ३७९ कोटी ८२ लाखांचा महसूल मिळाला होता. चालू वर्षी केवळ ३४९ कोटींचा महसूल मिळाला.