Manoj Jarange Patil on Suresh Dhas : सुरेश धस यांनी धनंजय मुंडेंची भेट घेतल्यानंतर मनोज जरांगे पाटील यांनी धस यांचा समाचार घेतला असून त्यांनी मुंडेंची भेट नाकारायला हवी होती, असं म्हटलं आहे.
पक्षाच्या दबावाला बळी न पडता धनंजय मुंडेंची भेट नाकारायला हवी होती, मनोज जरांगे पाटलांकडून सुरेश धस यांचा समाचार
मनोज जरांगे यांची धनंजय मुंडेंवर सडकून टीका, मंत्रिपदाचा राजीनामा न देण्यावरुन घेरलं, म्हणाले, ‘हापापलेला माणूस…’
पुढे बोलताना मनोज जरांगे पाटील म्हणाले की, सुरेश धस यांनी मीडिया समोर यायला पाहिजे होते आणि जनतेला सांगायला पाहिजे होते की पक्षाने माझ्यावर दबाव आणला आहे आणि धनंजय मुंडे यांना भेटून आपापसात मिटवून घेण्याचे सांगितले जात आहे. त्यांनी असे करून जर समाजाला विश्वासात घेतले असते तर त्यांच्यावरचा आणखीन विश्वास समाजात वाढला असता. पण त्यांची आणि धनंजय मुंडे यांची झालेली गुप्त बैठक जेव्हा बाहेर पडली त्यावेळेस मात्र त्यांच्यावरचा विश्वास सर्वांचाच उडाला आहे. आमदार सुरेश धस यांनी असे करायला नको होते म्हणत मनोज जरांगे पाटील यांनी त्यांच्याविषयी आणखीन बोलणे टाळले.
पक्षाच्या दबावाला बळी न पडता धनंजय मुंडेंची भेट नाकारायला हवी होती, मनोज जरांगे पाटलांकडून सुरेश धस यांचा समाचार
२५ फेब्रुवारीपर्यंत मुख्यमंत्री फडणवीस तीनही गॅझेट लागू करतील आणि आम्ही त्यांचा भव्य सत्कार करू –
हैदराबाद, सातारा आणि मुंबई गॅझेट हे शिंदे समितीने सात महिन्यापूर्वीच अभ्यासाला घेतले आहे. येणाऱ्या २५ फेब्रुवारी रोजी मुख्यमंत्री देवेंद्र फडणवीस हे तीनही गॅझेट लागू करतील आणि त्यानंतर आम्ही मुख्यमंत्री फडणवीस यांचा भव्य असा सत्कार करू असा विश्वास मनोज जरांगे पाटील यांनी व्यक्त केला आहे. गोरगरीब मराठ्यांच्या लेकरांना मुख्यमंत्री फडणवीस वेठीस धरणार नाहीत, असा विश्वासही जरांगे पाटील यांनी व्यक्त केला. त्याचबरोबर तीन महिन्यानंतर सगळे सोयऱ्याचा अध्यादेश देखील मुख्यमंत्री फडणवीस लागू करतील असाही विश्वास मनोज जरांगे पाटील यांनी व्यक्त केला आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा