अजित पवारांच्या पक्षात जाण्यासाठी माझ्यावर प्रचंड दबाव टाकण्यात आला. केवळ जितेंद्र आव्हाड यांना अडकवण्यासाठी माझा वापर केला जाणार होता, असा गंभीर आरोप अभिजीत पवारांनी घरवापसीनंतर केला. आव्हाड यांचा फोन आला नसता, तर मी २२ फेब्रुवारीला आत्महत्या करणार होतो, असं अभिजीत पवारांनी माध्यमांना सांगितलं. जितेंद्र आव्हाड हेच माझे नेते आहेत आणि त्यांची साथ कधीही सोडणार नाही, असं पवार म्हणाले.
Devendra Fadnavis : तुम्ही मंत्री नसलात तरी…; फडणवीसांकडून आमदाराला ताकद; शिंदेंच्या बालेकिल्ल्यात फिल्डींग
आव्हाड यांचे निकटवर्तीय असलेल्या अभिजीत पवार आणि हेमंत वाणी यांनी मंगळवारी अजित पवारांच्या राष्ट्रवादीत प्रवेश केला. या पक्ष प्रवेशानं अजित पवारांनी आव्हाडांना धक्का दिल्याची चर्चा रंगली. पण अभिजीत पवारांनी अवघ्या दोन दिवसांत घरवापसी केली आहे. अजित पवारांची साथ सोडत त्यांनी शरद पवारांच्या पक्षात पुन्हा प्रवेश केला. अभिजीत पवारांनी पत्रकार परिषद गंभीर आरोप केले.
ठाकरेंच्या शिलेदाराचं पत्र, CMकडून चौकशीचे आदेश; शिंदेंना मोठा धक्का, ९०० कोटींचं प्रकरण
माझ्यावर गुन्हा दाखल करुन मला पुन्हा २ वर्षे तुरुंगात पाठवण्याचं कारस्थान रचण्यात आलं होतं. माझ्या मित्रांना पोलिसांच्या माध्यमातून धमक्या दिल्या जात होत्या. मला ईडीची धमकी दिली जात होती. नजीब मुल्ला इतरांकडून फोन करुन मला धमकावत होते. या सगळ्या प्रकारामुळे मी अस्वस्थ झालो आणि त्यातूनच हा सगळा प्रकार घडला. पक्ष सोडण्यापूर्वी मी आव्हाड यांच्याशी बोलायला हवं होतं. पण माझ्यावर प्रचंड दबाव असल्यानं मी त्यांच्याशी बोलू शकलो नाही. मी आज घेतलेल्या निर्णयामुळे तरी ठाण्यात सुरु असलेले ब्लॅकमेलिंगचे प्रकार थांबतील, अशी अपेक्षा त्यांनी व्यक्त केली.