सिग्नल फ्री मार्ग प्रवाशांच्या सोयीचा ठरणार

ऑरेंज गेट – मरिन ड्राइव्ह प्रकल्पासाठी एकूण ७७६५ कोटी रुपये खर्च केले जाणार आहेत. ७७६५ कोटी रुपयांपैकी ७३२६ कोटी रुपयांच्या कर्जाच्या मंजुरीसह, MMRDA ने प्रकल्पासाठी पैशाची व्यवस्था केली आहे. ऑरेंज गेट – मरिन ड्राइव्ह प्रकल्प तयार करून, चेंबूर किंवा नवी मुंबईहून वरळी किंवा वांद्रेकडे जाणाऱ्या वाहनांना सिग्नल फ्री मार्ग उपलब्ध करून देण्याची योजना एमएमआरडीएने तयार केली आहे.
नालासोपाऱ्यातील सर्व ४१ इमारती जमीनदोस्त, २३०० कुटुंब रस्त्यावर; महापालिकेची कारवाई, कारण काय?

अटल सेतूवरुन कोणत्या मार्गावर टोल आकारला जाईल

प्रकल्पावर खर्च झालेला पैसा वसूल करण्यासाठी एमएमआरडीएने याआधीच येथून जाणाऱ्या वाहनांवर टोल आकारण्याचा निर्णय घेतला होता. २२ किमी लांबीच्या अटल सेतूमधून ऑरेंज गेट – मरिन ड्राइव्ह बोगद्यातून प्रवेश करणाऱ्या वाहनांवर टोल आकारला जाईल.

मात्र चेंबूरच्या दिशेने इस्टर्न फ्रीवेवरुन मरीन ड्राइव्हच्या दिशेने जाणाऱ्या वाहनांना बोगद्यात जाण्यासाठी टोल भरावा लागणार नाही. अटल सेतू आणि इस्टर्न फ्रीवेवरून येणाऱ्या वाहनांसाठी बोगद्यात स्वतंत्र मार्ग तयार केला जाईल.
आता मुंबई ते गोवा सुस्साट…. १२ तासांचा प्रवास ६ तासांवर, कुठून, कसा असेल मार्ग?

ऑरेंज गेट – मरिन ड्राइव्ह प्रकल्पासाठी काय आहे MMRDAची योजना

दक्षिण मुंबई ते उपनगरात वाहनांना सिग्नल फ्री मार्ग उपलब्ध करून देण्यासाठी ९.२३ किमी लांबीचा कॉरिडॉर तयार करण्याची योजना MMRDA कडून आखण्यात आली आहे.

९.२३ किमी मार्गापैकी ६.५२ किमी मार्ग भूमिगत अर्थात अंडरग्राऊंड असेल. या प्रकल्पामुळे ईस्टर्न फ्रीवे थेट कोस्टल रोडला जोडला जाईल. हा कॉरिडॉर पी. डिमेलो रोडवर असलेल्या ऑरेंज गेटपासून ते मरीन ड्राइव्हजवळ बांधल्या जाणाऱ्या कोस्टल रोडपर्यंत असेल.