जुन्नर येथे कामनिमित्त अजितदादा पवार आले होते. त्यावेळी क्षीरसागर हे देखील या ठिकाणी आले आणि त्यांनी अजितदादा यांची भेट घेतली. या भेटीची संपूर्ण राज्यात चर्चा आहे. संदीप क्षीरसागर हे शरद पवार यांची साथ सोडणार असल्याची देखील चर्चा होऊ लागली आहे.

या भेटीनंतर अजितदादा पवार यांनी माध्यमांशी बोलताना सांगितले की, तुम्ही काय वेडे झाले का? मी बीड जिल्ह्याचा पालकमंत्री आहे. बिडला गेल्या २१ दिवसांपासून पानी नाही. त्या सांदर्भात सांदीप जुन्नरला माझ्या भेटीसाठी आला होता. तुम्ही काही बातम्या कशा चालवता. मी राज्याचा उपमुख्यमंत्री आहे. विरोधी पक्षातील कोणताही आमदार मला भेटण्यासाठी येऊ शकतो.

संदीप क्षीरसागर यांनी देखील याबाबत बोलून भेटीवर पडदा टाकण्याचा प्रयत्न केला. मी बिडच्या पाणी प्रश्नसंदर्भात मी अजितदादाची भेट घेण्यासाठी आलो होतो. पाण्याची जी योजना आहे, ती तयार आहे. त्या संदर्भात अजितदादांनी अधिकाऱ्यांना तातडीने सूचना दिल्या आहेत.

सरपंच संतोष देशमुख हत्या प्रकरणात संदीप क्षीरसागगर यांनी धनंजय मुंडे यांच्या विरोधात आवाज उठवला होता. विधिमंडळात आणि विरोधात काढलेल्या मोर्च्यात देखील क्षीरसागर यांचा मोठा सहभाग होता. त्यामुळे अजित दादांची आज घेतलेली भेट ही जरी पाण्यासंदर्भात असली तरी या भेटीत आणखी काही नाही ना, अशा चर्चा आता रंगल्या आहेत.