सरोज अहिरे नेमकं काय म्हणाल्या?

“अजित दादा असे अनेक प्रश्न आहेत ज्याने मला काम करायला त्रास होतो. व्यासपीठावरील हे सर्व राजकीय लोकं त्याचे साक्षीदार आहेत. कारण प्रत्येक ठिकाणी काम करायला त्रास होतो. मी काम मंजूर करुन आणायचं आणि परस्पर त्याचा श्रेय घेण्याचा प्रयत्न करायचा. पाठपुरावा तीन-तीन वर्षांचा किंवा दोन-अडीच वर्षांचा आहे. पण चार-सहा महिन्यांचं पत्र दाखवायचं आणि त्या कामचं श्रेय घेण्याचा प्रयत्न करायचा. हे सत्र गेल्या पाच वर्षातदेखील मी सहन केलं आहे”, अशी तक्रार सरोज अहिरे यांनी अजित पवार यांच्याकडे आपल्या भाषणात केली.

“आदरणीय दादा तुमचा माझ्यावर लहान बहीण म्हणून कायम प्रेमाचा हात डोक्यावर राहू द्या, अशी मी वारंवार विनंती करते”, अशीदेखील विनंती सरोज अहिरे यांनी केली. तसेच “कुठेतरी तशी शिस्त आपल्या मित्रपक्षाच्या लोकांना असली पाहिजे. हा वादविवाद घडवण्यात काही अर्थ नाही”, असंदेखील सरोज अहिरे या उघडपणे म्हणाल्या. त्यांच्या या तक्रारीनंतर अजित पवार यांनी सरोज अहिरे यांची समजूत काढली.
‘भेट घेतली तरी हेतू एकच’, सुरेश धस आणि धनंजय मुंडे यांच्या भेटीवर देवेंद्र फडणवीस यांची पहिली प्रतिक्रिया

अजित पवार काय म्हणाले?

“सरोज दुसऱ्यांदा आमदार झाल्या आहेत. साहजिकच काम करताना असा कुणी त्रास दिल्यानंतर तू हळवी असल्यामुळे नाराजीने बोलत होती. पण चालतं, या गोष्टीला फार काही महत्त्व देऊ नकोस. आम्ही तुझ्या पाठिशी मजबुतीने आहोत. तुला कुठलीही गोष्ट कमी पडू देणार नाहीत, अशी ग्वाही तुझ्या मतदारांच्या साक्षीने देतो”, असं अजित पवार म्हणाले.