आज सकाळी साडेपाच वाजता कुंभमेळ्यात स्नान करुन नांदेड व परिसरातील काही मंडळी अयोध्येकडे रामलल्लाच्या दर्शनासाठी जात होते. सदरची मंडळी टेम्पो ट्रॅव्हलरने जात होती. तेंव्हा उत्तर प्रदेशातील बाराबंकी जिल्ह्यातील लोणी कटरा पोलीस ठाण्याच्या हद्दीतील पूर्वांचल एक्सप्रेस रोडवर रोडच्या बाजूला नादुरुस्त स्थितीत उभ्या असलेल्या या बसवर भरधाव वेगाने ही टेम्पो ट्रॅव्हलर आदळली. त्यामुळे झालेल्या अपघातात एकूण चार जण मृत्यूमुखी पडले आहेत. तर उर्वरित १६ जण जखमी झाले आहेत. या चार जणांमध्ये तीन जण नांदेडचे असून, एक जण हिंगोली जिल्ह्यातील असल्याचे वृत्त आहे.

सुनिल दिगंबरराव वरपडे (५०) छत्रपती चौक नांदेड, अनुसया दिगंबर वरपडे (८०) रा. छत्रपती चौक नांदेड, दिपक गणेश गोदले स्वामी (४०) रा. छत्रपती चौक नांदेड, जयश्री कुंडलिकराव चव्हाण (५०) रा.आडगाव रंजेबुवा ता.वसमत जि.हिंगोली अशी या मृत व्यक्तींची नावे आहेत. या अपघातात सोळा जण जखमी असून, त्यांच्या संपर्कात नांदेड पोलीस प्रशासन व जिल्हा प्रशासन असल्याची माहिती जिल्हाधिकारी कार्यालयाकडून देण्यात आली. मृतांच्या शवविच्छेदनानंतर त्यांचे मृतदेह नांदेडकडे आणण्यासाठी पोलीस प्रयत्न करत असून, कदाचित उद्यापर्यंत हे मृतदेह नांदेडला येतील, अशी शक्यता आहे. कुंभमेळ्यातील स्नानासाठी काही मंडळींनी एकत्र येवून सदरची टेम्पो ट्रॅव्हलर बुक केली होती. कुंभमेळ्याचे स्नान आटोपल्यानंतर ही मंडळी अयोध्येकडे रवाना होत होती. त्याचवेळी हा अपघात घडला. या टेम्पो ट्रॅव्हलरमध्ये २३ यात्रेकरु असल्याची माहिती प्रशासनाकडून प्राप्त झाली आहे. जखमींची नावे अद्याप अप्राप्त आहेत.

जखमींची नावे खालीलप्रमाणे आहेत

1. चैतन्य राहुल स्वामी वय 16
2. शिवशक्ती गणेश गोदले वय 55
3. भक्ती दीपक गोदले वय 30
4. रंजना रमेश मठपती वय 55
5. गणेश गोदले वय 55
6. अनिता सुनील वरपडे वय 40
7. वीर सुनील वरपडे वय 09
8. सुनिता माधवराव कदम वय 60
9. छाया शंकर कदम वय 60
10. ज्योती प्रदीप गैबडी वय 50
11. आर्या दीपक गोदले वय 05
12. लोकेश गोदले वय 35
13. श्रीदेवी बरगले वय 60

सर्व राहणार छत्रपती चौक नांदेड