अजित दत्तात्रय थोरवत (वय ३० वर्ष) असं आत्महत्या केलेल्या अभियंत्याचे नाव आहे. या घटनेने सर्वांचंच मन हेलावले आहे. अजित याची पत्नी गर्भवती असल्याची माहिती देखील समोर आली आहे.

काय आहे प्रकरण?

याबाबत मिळालेली माहिती अशी की, अजितचे दोन वर्षांपूर्वी लग्न झाले होते. तो मूळचा कोल्हापूर येथील राहणारा होता. कामानिमित्त तो पिंपरी चिंचवड शहरात राहायला होता. त्यांचा संसार आनंदात सुरु होता. त्या दोघांना काही दिवसात अपत्य देखील होणार होते. मात्र दोघांमध्ये अचानक कौटुंबिक कारणातून भांडणे होण्यास सुरुवात झाली.
New India Co-operative Bank : कुणी लग्नासाठी जमवले, कुणाच्या आयुष्याची पुंजी पणाला; RBI चे निर्बंध, मुंबईतील बँकेबाहेर खातेदारांच्या रांगा

सुखी संसाराला गालबोट

या भांडणात अजितची बायको घर सोडून माहेरी निघून गेली. तिकडे गेल्यावर तिने पोलीस स्टेशनला पतीविरोधात तक्रार दाखल केली. त्यामुळे त्याच्यावर गुन्हा दाखल झाला. पुढे त्यांचे हे प्रकरण न्यायालयात गेलं. अजित हा दोन दिवसांपूर्वीच कोल्हापूरवरून सुनावणी वरून आला होता. तिकडून आल्यापासून तो खूप अस्वस्थ असल्याचं त्याचे निकटवर्तीय सांगतात.

Pune Crime : वाढदिवस कसला करताय? पुण्यात बर्थडे सेलिब्रेशनमध्येच राडा, गोळीबारात तरुणाचा जागीच मृत्यू

‘व्हॅलेंटाईन डे’लाच आयुष्याची अखेर

जीवापाड प्रेम असणाऱ्या पत्नीने असं का केलं असावं, याच विचारात तो असावा. मात्र पत्नीने पोलीस स्टेशनाला केलेली तक्रार, त्यातून चढावी लागलेली पोलीस स्टेशनची पायरी या सर्व गोष्टींचा त्याला त्रास होऊ लागला. त्यामुळे त्याने अखेर व्हॅलेंटाईन डेच्या दिवशीच आपला जीवन प्रवास संपवला. या घटनेने सर्वत्र हळहळ व्यक्त केली जात आहे. पत्नीशी झालेल्या वादातूनच हा प्रकार घडल्याचे पोलिसांकडून सांगण्यात आले आहे. या प्रकारणाचा अधिक तपास चिखली पोलीस करत आहेत.