Hair Loss In Buldhana Villages: १० फेब्रुवारीच्या अहवालानुसार शेगाव तालुक्यातील १६ आणि नांदुऱ्यातील एक अशा १७ गावांमध्ये रुग्णांची संख्या १६४ वर होती. आता खामगाव तालुक्यातील जयपूर लांडे गावातही दोन रुग्ण आढळल्याने भीती वाढली आहे.
शेगाव तालुक्यातील काही गावांमध्ये केसगळती होत असल्याचे समोर आले. दिवसागणित रुग्णसंख्या वाढू लागली. शेगाव, नांदुरा आणि खामगाव तालुक्यातही रुग्ण आढळले आहेत. याचे निदान करण्यासाठी प्रारंभी बाधित गावांमधील पाणी, स्किन बायोप्सी, रक्तनमुने घेण्यात आले. १० जानेवारीला अकोला मेडिकल कॉलेजचे पथक आले. १२ जानेवारी रोजी डीएमईआरचे पथक, १५ जानेवारीला आयसीएमआरचे पथक, आयुर्वेदिक, होमिओपॅथी, युनानी व ॲलोपॅथी या चारही पॅथींची पथके आली. 
नाट्यगीतांचा सूर हरपला! ज्येष्ठ शास्त्रीय गायक पं. प्रभाकर कारेकर यांचं दीर्घ आजारानं निधन
आयसीएमआरचे पथक परत फिरताच १७ जानेवारीला पद्मश्री डॉ. हिंमतराव बावस्कर व पथक दाखल झाले. २७ जानेवारीला नागपूर एम्सचे पथक पोहोचले. तज्ज्ञांनी रुग्णांची तपासणी करून औषधोपचार केले. विविध नमुने संकलित करून प्रयोगशाळेत तपासणीला पाठविले. यासंदर्भातील अहवाल अद्याप प्राप्त झाला नाही.
मोफत योजनांना कात्री! राज्याची आर्थिक स्थिती सावरण्यासाठी अर्थमंत्र्यांचा निर्णय, कोणत्या योजना बंद होणार?
दहा दिवसांत वाढले १८ रुग्ण
१ फेब्रुवारीपासून पुढच्या दहा दिवसांत केसगळतीचे १८ रुग्ण आढळून आल्याचा अहवाल जिल्हा आरोग्य अधिकाऱ्यांनी वरिष्ठांना सादर केला आहे. ८ ते ३१ जानेवारीदरम्यान २४६ रुग्ण आढळले. त्यात शेगाव तालुक्यातील बोंडगाव २८, कालवड ३०, कठोरा ३५, भोनगाव १५, मच्छिंद्रखेड २०, हिंगणा पाच, घुई १३, तरोडा कसबा १३, वरखेड खुर्द चार, कनारखेड सहा, गायगाव पाच, नागझरी एक, पहुरजिरा ३७, माटरगाव बुद्रूक २९, निंबी १२, जलंब चार आणि नांदुरा तालुक्यात वडी येथील सात रुग्णांची नोंद आहे.
केंद्रीय मंत्र्यांशी आज चर्चा
केंद्रीय आयुष, आरोग्य व कुटुंब कल्याण राज्यमंत्री प्रतापराव जाधव यांच्याशी आज, शुक्रवारी यासंदर्भात चर्चा केली जाणार आहे. शास्त्रज्ञांच्या तपासणीत काय निदान झाले याविषयी आम्ही जाधव यांच्यामार्फत शास्त्रज्ञांना विचारणा करू, असे बोंडगावचे माजी सरपंच तथा शिवसेना तालुकाप्रमुख रामेश्वर थारकर यांनी सांगितले. 
मोठी बातमी! रात्री साडेअकरानंतर शिर्डी पूर्णपणे बंद; ग्रामस्थांचा मोठा निर्णय, काय कारण?
धीर मिळतो, पण उपचाराचे काय ?
केसगळती झालेल्या रुग्णांच्या डोक्यावर नवीन केस उगवत आहेत. पण, पुन्हा गळती होत आहे. प्रशासनाकडून बाधितांना केवळ धीर दिला जात आहे. औषधोपचार काय करावा, याबाबत काहीच हालचाली होत नसल्यानेदेखील प्रशासनाप्रती नाराजी आहे. मध्यंतरी रुग्णांचे केस व रक्तामध्ये सेलेनियम जास्त प्रमाणात आढळल्याने आणि झिंकचे प्रमाण कमी झाल्याने केस गळत असल्याचे सांगितले जात होते. तशा पद्धतीचा अहवाल आरोग्य विभागाला प्राप्त झाला नाही, असे जिल्हा आरोग्य अधिकारी डॉ. अमोल गिते यांनी स्पष्ट केले.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा