आता नुकताच संतोष देशमुख यांचे भाऊ धनंजय देशमुख यांनी गंभीर आरोप केलाय. संतोष देशमुखांची हत्या करणाऱ्यांची बी टीम बीडमध्ये कार्यरत असल्याचा आरोप त्यांनी केलाय. धनंजय देशमुख म्हणाले की, ज्याठिकाणी गुन्हे घडत आहेत ते गुन्हे थांबवणे महत्वाचे आहेत पण माझ्या भावाची हत्या झाली. त्याची एक बी टीम पण आहे. त्यांची चाैकशी अजून काहीच झालेली नाहीये.
राजेसाहेब देशमुखांचे धनंजय मुंडे आणि वाल्मिक कराडवर गंभीर आरोप, माधव जाधवांना मारहाण ही…आता आपला तपास हा होत आल्यानंतर आम्ही हा तपास करणार आहोत आणि याची जी बी टीम आहे ती भविष्यात त्या टिमकडून लोकांना धोका झाला नाही पाहिजे, याच्यासाठी प्रयत्न करणार आहोत. धनंजय देशमुख यांनी केलेल्या दाव्यानंतर हा प्रश्न उपस्थित होतो की, ही बी टीम नेमकी कोण आहे?. धनंजय देशमुखांचा निशाना नेमका कोणावर आहे. धनंजय देशमुख काही दिवसांपूर्वीच पाण्याच्या टाकीवर जाऊन आंदोलन करताना दिसले.

तपास यंत्रणा तपासाबद्दल आपल्याला काहीच माहिती देत नसल्याचा आरोप करत धनंजय देशमुख हे पाण्याच्या टाकीवर चढले होते आणि त्यांनी काही वेळ आंदोलन केले. संतोष देशमुखांच्या हत्येनंतर राज्यभरात आक्रोश मोर्चाचे आयोजन करण्यात आले. संतोष देशमुखांच्या हत्येनंतर आमदार सुरेश धसांनी आक्रमक भूमिका घेतली आणि त्यांच्याकडून सतत धनंजय मुंडे यांच्या राजीनाम्याची मागणी केली जात आहे. सुरेश धस हे आज अजित पवारांची भेट घेण्यासाठी पोहोचले होते. मात्र, अजित पवारांसोबत त्यांची भेट होऊ शकली नाही.