Eknath Shinde Slams Uddhav Thackeray: ठाकरे गटाचे पक्षाचे उपनेते आणि माजी आमदार राजन साळवी यांनी आज शिंदे गटात प्रवेश घेतला. यावेळी बोलताना एकनाथ शिंदे यांनी ठाकरे गटाला चांगलंच सुनावलं आहे.
जे राहिले आहेत ते पण येतील – एकनाथ शिंदे
जे पक्षात येत आहेत त्यांचं स्वागत आम्ही करत आहोत. जे राहिले आहेत ते पण येतील, असं मोठं वक्तव्य एकनाथ शिंदे यांनी या पक्ष प्रवेशाच्या कार्यक्रमावेळी केलं. त्यामुळे राजन साळवी यांच्यानंतर आता पुढचा नंबर कोणाचा लागतो, ठाकरे गटाला शिंदे आता पुन्हा कोणता धक्का देणार, ठाकरेंचा कोणता शिलेदार शिंदेंसेनेत येणार असे अनेक प्रश्न राजकीय वर्तुळात चर्चेत आहेत. शिंदेंचं हे वक्तव्य ठाकरे गटाची चिंता वाढवणारं तर आहेच, त्याने राजकीय वर्तुळातही अनेकांच्या भूवया उंचावल्या आहेत.
यावेळी एकनाथ शिंदे यांनी ठाकरे गटाला चांगलंच सुनावलं. इकडे कोणी नेता नाही, सगळे कार्यकर्ते आहेत. मी पण कार्यकर्ता आहे. काम करेगा वहीं राजा बनेगा अशी पद्धत आपल्याकडे आहे, असं म्हणत शिंदेंनी ठाकरेंना टोला लगावला.
शरद पवारांवरील टीकेला प्रत्युत्तर
तसेच, त्यांनी शरद पवारांवर ठाकरे गटाकडून करण्यात आलेल्या टीकेलाही उत्तर दिलं, शरद पवार यांच्ावर अविश्वास दाखवणे हे दुर्दैव आहे. शरद पवार हे परपक्व नेतृत्व आहे. एका मराठी माणसाकडून मराठी माणसाचा सन्मान झाला, खरंतर त्याचा अभिमान वाटायला हवा होता. पण त्यांचा किती जळफळाट झाला, असं म्हणत शिंदेंनी ठाकरे गटाला सुनावलं.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा