उपमुख्यमंत्री एकनाथ शिंदेंनी (१२ फेब्रु.) मलंगगडावर जाऊन महाआरती केली. यावेळी हेलिकॉप्टरने एंट्री घेत एकनाथ शिंदे मलंगगडावर दाखल झाले. माघ पौर्णिमेनिमित्त शिंदे दरवर्षी येथील आरतीसाठी उपस्थिती लावतात. दिवंगत नेते आनंद दिघे यांनी सुरू केलेली ही प्रथा शिंदेंनी देखील चालू ठेवली आहे. मलंगगडावर पोहोचताच शिंदेंनी मच्छिंद्रनाथांचे दर्शन घेऊन आरती केली. यावेळी शिवसेनेचे पदाधिकारी आणि अनेक शिवसैनिक मोठ्या संख्येने उपस्थित होते.