माजी मंत्री आणि शिवसेना शिंदे गटाचे आमदार तानाजी सावंत यांचा मुलगा…ऋषिराज सावंत यांच्या फसलेल्या बँकॉक दौऱ्याची सध्या महाराष्ट्रभर चर्चा आहे. ऋषिराज सावंत यांचं 10 फेब्रुवारी रोजी अपहरण झाल्याची माहिती समोर आली होती. त्यानंतर पोलीस स्थानकात गुन्हा दाखल करुन तपास सुरु करण्यात आला. हवेत प्रवास करत असलेलं विमान परत बोलावण्यासाठी पोलिसांना ठोस कारण हवं होतं. त्यासाठी ऋषिराजचे अपहरण झाल्याची तक्रार पुण्यातील सिंहगडरोड पोलीस ठाण्यात देण्यात आली.तानाजी सावंत यांच्या संस्थेतील राहुल करळे यांनी ही तक्रार दिली.बँकॉकला जायला निघालेला ऋषिराज सव्वाचार तासांचा प्रवास करून पुन्हा पुण्यातच पोहचला. दरम्यान या घटनेनंतर शिवसेना ठाकरे गट आक्रमक झाला आहे.