Thane News : ठाण्यामधून एक धक्कादायक बातमी समोर आली आहे. जवळच्या मित्रानेच घात करून मैत्रीच्या नात्याला डाग लावलाय. अत्याचार करून तिचा व्हिडीओ व्हायरल केला, एक महिन्यांनी हे प्रकरण समोर आलं, जाणून घ्या.
पोलिसांनी दिलेल्या माहितीनुसार, पीडित १९ वर्षीय तरुणी भिवंडीतील कामतघर भागात राहत असून याच भागात आरोपी नराधम मित्रही राहता. २९ डिसेंबर रोजी दुपारच्या सुमारास भिवंडीतील कामतघर भागातून पीडित मैत्रिणीला तिचा मित्र चांद खान याने तिला वज्रेश्वरी येथे फिरण्याच्या बहाण्याने घेऊन गेला. त्यानंतर येथील एका लॉजमध्ये नेले आणि तिच्यावर अत्याचार केला. खळबळजनक बाब म्हणजे अत्याचार करतानाचे अश्लील व्हिडिओ मोबाईल कॅमेरात कैद केले. तो व्हिडिओ व्हॉट्सअपवर व्हायरल केला. या कटात त्याला साथ देणाऱ्या एका आरोपी तरुणीने आणि आरोपी जमीर खानने पीडितेचा अश्लील व्हिडिओ सोशल मीडियावर व्हायरल करण्याची धमकीही दिली.
दरम्यान, व्हिडिओ पीडित तरुणीने व्हायरल झाल्यानंतर आणि या घटनेच्या एक महिन्यानंतर पीडितेने भिवंडी शहर पोलिसांकडे तक्रार केली आहे. पोलिसांनी चांद खान, कविता आणि जमीर खान यांच्याविरुद्ध अत्याचाराश माहिती तंत्रज्ञान कायद्याच्या अंतर्गत गुन्हा दाखल केला आहे. या संदर्भात पोलिसांनी माहिती दिली की दोन आरोपीसह एका तरुणीला या गुन्ह्यात अटक करून न्यायालयात हजर केले असता १२ फ्रेब्रुवारीपर्यत पोलीस कोठडी सुनावल्याची माहिती त्यांनी दिली असून या गुन्ह्याचा पुढील तपास पोलीस पथक करीत असल्याचेही सांगितले.