कोकणातील माजी आमदार राजन साळवी यांच्या पक्षप्रवेशाबद्दल विचारलेल्या प्रश्नावर ते म्हणाले की त्यांचे पक्षात स्वागत आहे. तसेच कोकणामध्ये शिवसेना वाढीसाठी आज शिव उबाठा पक्षातील अनेक नेते पदाधिकारी कार्यकर्ते शिवसेनेत येत आहेत त्यांच आम्ही मनापासून स्वागत करतो. जो वंदनीय शिवसेनाप्रमुख बाळासाहेब ठाकरे यांना अभिप्रेत असलेलं काम खऱ्या अर्थाने एकनाथ शिंदे साहेब करत आहेत त्यासाठी त्यांनी बळ द्यावं त्यांचे स्वागत आहे अशी प्रतिक्रिया त्यांनी दिली आहे. रामदास कदम यांचे राजकीय विरोधक असलेले दापोली मतदारसंघातले ठाकरे गटाचे माजी आमदार संजय कदम यांच्या भाजप प्रवेशाच्या चर्चेबाबत विचारल असता त्यांनी सांगितलं की, संजय कदम यांचे या अगोदर तीन पक्ष बदलून झाले आहेत आता कोणत्या पक्षात जायचं ते ठरवतील असाही उपपरोधिक टोला त्यांनी लगावला.

दिव्यांगांना जिल्ह्याच्या ठिकाणी हेलपाटे मारायला लागू नयेत, शासन योजनेपासून वंचित रहायला लागू नये, यासाठी तालुक्याच्या ठिकाणी शिबीर घेवून जागच्याजागी प्रमाणपत्र देण्यात आली आहेत. त्यामुळे केंद्र आणि राज्य शासनाच्या विविध योजनांचा लाभ घेण्यासाठी ते पात्र ठरले आहेत. आमदार निधी, जिल्हा परिषद सेस निधी, जिल्हा नियोजन समितीमधील निधी असा विविध निधी एकत्रित करुन दिव्यांगांना रोजगार देण्यासाठी, उद्योग सुरु करण्यासाठी निश्चितपणे प्रयत्न केला जाईल, असे आश्वासन गृहराज्यमंत्री योगेश कदम यांनी दिले.

पंचायत समिती दापोली, दापोली उपजिल्हा रुग्णालयात राज्यमंत्री श्री. कदम यांच्या हस्ते दिव्यांग व्यक्तींच्या तपासणी शिबीराचे उद्घाटन झाले. यावेळी जिल्हा शल्यचिकित्सक डॉ. भास्कर जगताप, तहसिलदार अर्चना बोंबे, वैद्यकीय अधीक्षक डॉ. पवन सावंत, माजी समाजकल्याण सभापती भगवान घाडगे, माजी प सभापती चारुलता कामते, जिल्हा मध्यवर्ती बँकेचे संचालक सुधीर काळे, नगरसेविका कृपा घाग,प्रिती शिर्के, तालुका आरोग्य अधिकारी डॉ. अमित वंजारी आदी उपस्थित होते.