वाहतुकीच्या नियमांना धुडकावून, वाहनावर बसून फोनवर गप्पा मारत बसलेल्या आरोपीला सुरक्षेच्या कारणास्तव वाहतुक पोलिस शिस्त लावण्याच्या प्रयत्नात असताना आरोपी आदिनाथ ऊर्फ बबलू भागवत मसाळ रा. कोलवडी, मुरकुटे वस्ती याने उलट पोलिसांवर हल्ला चढवून फरार झाला. त्याला उस्मानाबाद येथून अटक केली असून, भेकराई नगर येथून त्याची शनिवारी सायंकाळी धिंड काढण्यात आली.

नेमकं काय घडलं?

भेकराईनगर परिसरात गुरुवारी सायंकाळच्या सुमारास गाडीवर फोनवर बोलत असताना मसाळ याला वाहतुक पोलिसांनी हटकले. हटकल्याचा राग आल्याने त्याने पोलीस कर्मचाऱ्यावर हल्ला केला. रस्त्याच्या कडेला पडलेला दगड त्याने पोलिसाच्या डोक्यात घातला. पोलीस हवालदार राजेश गणपत नाईक (वय ४७) हे, हल्यात गंभीर जखमी झाले होते. पण पोलिसांना मारल्याचे काय परिणाम होतात हे पोलिसांनी त्याची धिंड काढून दाखवून दिले. या घटनेचा व्हिडिओ सोशल मीडियावर मोठ्या प्रमाणात व्हायरल झाला होता.

वेगाने सूत्रं हलली

दरम्यान, अचानक झालेल्या या हल्ल्यात राजेश नाईक गंभीर जखमी झाले आहेत. अज्ञात दुचाकी चालकाविरोधात फुरसुंगी पोलीस ठाण्यात सरकारी कामात अडथळा आणल्या प्रकरणी गुन्हा दाखल करण्यात आला होता. त्यानंतर पोलिसांनी आपली सूत्रे हलवत या आरोपीला उस्मानाबाद येथून ताब्यात घेतले. आणि त्याला पॉलिसी खाक्या दाखवत त्याची त्याच परिसरातून धिंड काढली. पुणे पोलीस गुन्हेगारांनविरोधात action मोडवर आल्याचे पाहायला मिळात आहेत. गुन्हेगारीला आळा घालण्यासाठी पोलिसांनी ठोस पाऊले उचलण्यास सुरुवात केली आहे.