१९ व्या वर्षी लग्न झालेल्या वफा चिपळूणकरसोबत अंगावर काटा आणणारी घडली आहे. प्रॉपर्टीसाठी तिला छळण्यात आल्याचे तिने सांगितले. त्यांनी दापोली पोलिसांना याप्रकरणी तक्रार दाखल केली आहे. मात्र अद्याप या प्रकरणातील संशयित आरोपी मोकाट आहे, असा आरोप वफा यांच्या नातेवाईकांनी केला आहे. दोन दिवसांपूर्वी ही तक्रार दाखल करण्यात आली असून कारवाई झालेली नाही.

दापोलीतील नशेमन कॉलनीत राहणाऱ्या अवघ्या २१ वर्षाच्या वफा मुदस्सीर चिपळूणकर हिच्यासोबत हा क्रुर प्रकार घडला आहे. वफा ही अनाथ आहे. वफाचे वडील इकबाल खान यांचा २०२१ मध्ये मृत्यू झाला. तर ३ महिन्यानंतर तिच्या आईचाही मृत्यू झाला. २२ नोव्हेंबर २०२३ ला वफाचा मुदस्सीर शहाबुद्दीन चिपळूणकर याच्यासोबत लग्न झाले. पण काही दिवसांतच त्यांच्यात प्रॉपर्टीवरुन वाद सुरु झाला. या वादातून तिच्या पतीने तिला मारहाण सुरु केली. बेल्टने मारहाण आणि चटके अशा वेदना तिला सहन कराव्या लागल्या.
Thane News : अबबबब! २३५ किलो वजन, अवाढव्य शरीरयष्टी, २६ वर्षीय तरुणीवर ठाण्यात गुंतागुंतीची शस्त्रक्रिया, अखेर..
याप्रकरणी वफाने पोलिसांत तक्रार दाखल केली आहे. तक्रारीनुसार मुदस्सीर शहाबुद्दीन चिपळुणकर, शहाबुद्दीन जाफर चिपळूणकर, फिरोजा शहाबुद्दीन चिपळुणकर, सबा शहाबुद्दिन चिपळुणकर यांच्याविरोधात दापोली पोलिसात अदखलपात्र गुन्हा दाखल केला आहे. मात्र अद्याप दापोली पोलिसांनी संशयित आरोपी म्हणजे तिच्या पतीला अटक केलेली नाही. त्यामुळे वफाच्या नातेवाईकांकडून संताप व्यक्त केला जात आहे.

अवघ्या २१ वर्षात मी सर्व सहन केलं, मात्र असा हा प्रकार अन्याय बाकी कोणासोबतही होऊ नये, यासाठी प्रशासनाने मला मदत करावी आणि मला जगण्याची उमेद मिळावी आणि मला त्रास दिलेल्या चिपळूणकर कुटुंबियांवर कठोरात कठोर कारवाई करावी, अशी मागणी वफाने केली आहे. दरम्यान दापोली पोलीस आणि राज्य महिला आयोग आणि रत्नागिरी प्रशासन काय कारवाई करणार याकडे अनेकांचे लक्ष लागलं आहे