लोक पॅनिक झाले आहेत

दरम्यान, संजीवराजे नाईक-निंबाळकर, रघुनाथराजे नाईक -निंबाळकर यांच्या घराबाहेर कार्यकर्त्यांची मोठी गर्दी जमली आहे. त्यांच्याकडून निषेध व्यक्त करण्यात येत आहे. कार्यकर्त्यांकडून तीव्र रोष व्यक्त करण्यात येत आहे. रघुनाथराजे नाईक निंबाळकर म्हणाले, काळजीचे काही कारण नाही. लोक पॅनिक झाले आहेत. लोकांनी काळजी करू नये. या कारवाईतून काहीच निष्पन्न होणार नाही. हाच वेळ दुसऱ्या काही लोकांसाठी दिला तर बरे होईल, अशी खोचक टीका आहे त्यांनी यावेळी केली.

हे दोन नंबरचे घरच नाही

चौकशी करून घ्यावी. प्रत्येक गोष्टीचे उत्तर या ठिकाणी आहे. प्रत्येक गोष्टीचा हिशोब या ठिकाणी दिला जात आहे. अशा पद्धतीने टार्गेट करणे योग्य नाही. मला वाटते, की प्रोसिजरचा हा भाग आहे. झाले ते बरंच झाले. निदान, साप-साप म्हणून भुई धोपटत होते, ते बंद झाले. अधिकारी व्यवस्थित रेकॉर्ड चेक करत आहेत. लोकही अगदी रिस्पेक्टफुल आहेत. त्यांच्याही लक्षात आले आहे, की हे दोन नंबरचे घरच नाही. असेही ते म्हणाले.

हा रॉंग नंबर आहे

आमचा इन्कम टॅक्स व्यवस्थित फीड आहे. इन्कमचा सोर्स व्यवस्थित आहे. कोणतीही वेडीवाकडी गोष्ट नाही. समर्थकांचा नेता दोन नंबरचा पुढारीच नाही. त्यामुळे फलटण म्हणजे काय बिहार नाही. सगळे व्यवस्थित आहे. मालोजीराजांच्या काळापासून हे घर व्यवस्थित राहिले आहे. माझ्या आजोबांची सामाजिक बांधिलकीची कामे होती. त्यामुळे साधारण व्यवहारात कोठेही काही आढळणार नाही. त्यांना जे वाटले होते, की पैशाचे ढीगच्या ढीग सापडतील, ती परिस्थिती नाही. या ठिकाणी प्रत्येक रुपयाचा हिशोब आहे. इथे काही सापडणार नाही. म्हणजे हा रॉंग नंबर आहे. लोकांनी तर काळजी करण्याची काहीच कारण नाही, पुढारीच व्यवस्थित आहेत.

संजीवराजे नाईक निंबाळकर यांच्याप्रमाणेच रघुनाथराजे नाईक निंबाळकर यांच्या घरीही आयकर विभागाने छापा टाकला आहे. रघुनाथराजे नाईक निंबाळकर हे आधीपासूनच शरद पवार यांच्या पक्षात आहेत, तर संजीवराजे नाईक निंबाळकर यांनी निवडणुकीआधी शरदचंद्र पवार पक्षात प्रवेश केला होता. ही कारवाई राजकीय आहे की नाही हे सांगता येणार नाही, अशी प्रतिक्रिया माजी आमदार दीपक चव्हाण यांनी दिली आहे.