बुधवारी (५ फेब्रुवारीला) राज्याचे मुख्यमंत्री देवेंद्र फडणवीस बीड जिल्हा दौऱ्यावर आहेत. दरम्यान आज आमदार सुरेश धस यांनी माध्यमांशी संवाद साधला. यावेळी धनंजय मुंडे यांच्या पत्रकार परिषदेवरही प्रतिक्रिया दिली आहे. ते म्हणाले, मी धनंजय मुंडे यांचे नाव घेतलं नाही, मी पीक विमा घोटाळा बद्दल बोललो. मी त्यांचा राजीनामा मागितला नाही, प्रकाश सोळंके, संदीप क्षीरसागर राजीनामा मागत आहेत. ते उद्याच्या कार्यक्रमाला आले तरी मी त्यांचं स्वागत करेन, परवा मात्र मी बोलणार. मी राजीनामा मागत नाही मी फक्त वर्णन करतो, अशीही मिश्किल टीप्पणी केलीय.