आज आम्ही एनडीए सोबत जाण्याची भूमिका घेतली आहे, ती अत्यंत विचारपूर्वक घेतली आहे, असंही सुनील तटकरे यांनी अधोरेखीत केलं आहे. त्यामुळे ताई शरद पवार साहेबांचं सरकार सुद्धा बरखास्त करण्याचं पाप कोणी केलं, तर ते काँग्रेसने केलं, असं तटकरे यांनी सभेत बोलताना सांगितलं. त्यामुळे त्यांच्याबद्दल तुम्ही आम्हाला सांगण्याचा प्रयत्न करू नका, असं तटकरे यांनी खासदार सुप्रिया सुळे यांना थेट सभागृहात सुनावलं आहेत.
नैतिकता दाखवून माघार घ्यायला हवी, धनंजय मुंडेंच्या राजीनाम्यावर रोहित पवार म्हणाले…
सुनील तटकरे यांनी संसदेच्या अर्थसंकल्पीय अधिवेशनात मराठीतून आक्रमकपणे भाषण केलं. त्यांनी काँग्रेसचा इंदिरा गांधी यांनी आणीबाणी लावल्यापासूनचा सगळा इतिहासच संसदेत आपल्या भाषणात सांगितला. यापूर्वी देशात लोकसभा आणि विधानसभा या निवडणुका एकत्र होत होत्या. वन नेशन वन इलेक्शन ही संकल्पना संविधानामध्ये होती पण या संविधानाला छेद देण्याचं काम काँग्रेसनेच केलं असाही आरोप तटकरे यांनी केला आहे.

काँग्रेसने शरद पवारांची सुद्धा काय हालत केली हे बघणारा ताई मी एक कार्यकर्ता आहे. त्यामुळे काँग्रेस आणि काँग्रेसच्या नीतीबद्दल आपण मला शिकवण्याची आवश्यकता आहे असं मला वाटत नाही, अशा शब्दात तटकरे यांनी खडेबोल सुनावले आहेत.
Ajit Pawar : केवळ उत्तर प्रदेश, बिहारचे नाही तर महाराष्ट्रात…. बांगलादेशींच्या घुसखोरीवर अजित पवारांचं मोठं विधान
महाराष्ट्रामध्ये काँग्रेस आणि काँग्रेस पक्षाच्या इतर घटक पक्षांचा दारुण झालेला पराभव अजूनही ते विसरल्याचे दिसत नाही. लोकसभेला तुम्हाला यश मिळालं त्या वेळेला मतदानाची वाढ ईव्हीएममुळे हे अजिबात लक्षात आलं नाही, खोटं नेरेटिव्ह सेट करत तुम्ही मतं घेण्याचा प्रयत्न केलात आणि तुम्ही एकदा यशस्वी झालात. महाविकास आघाडीमध्ये १० मुख्यमंत्री तयार होते, वाटलं जात होतं की त्यांना सत्ता महाराष्ट्रात येईल पण त्या वेळेचे मुख्यमंत्री एकनाथ शिंदे उपमुख्यमंत्री देवेंद्रजी आणि अजितदादा यांनी क्रांतिकारी निर्णय घेतले आणि म्हणून महाराष्ट्रात मोठे प्रचंड यश महायुतीला मिळालं.

शाहू, फुले, आंबेडकरांचा महाराष्ट्र छत्रपती शिवाजी महाराजांनी हिंदवी स्वराज्याची स्थापना केली. पंतप्रधान नरेंद्र मोदी शिव छत्रपतींच्या महाराष्ट्रातील ऐतिहासिक रायगडाला भेट देण्यासाठी दोनदा आले, परंतु या देशातील त्यावेळच्या पंतप्रधानांना कधीही येण्यासाठी वेळ मिळाला नाही, अशा शब्दात काँग्रेसवर टीका करत तो छत्रपती शिवाजी महाराजांचा अपमान होता की सन्मान होता याचा सुद्धा महाराष्ट्रातील जनतेने विचार करण्याची आवश्यकता असल्याचे तटकरे यांनी सांगितले.