सासरची मंडळी एवढ्यावरच थांबली नाही, तर विवाहितेला घराबाहेर हाकलून पुन्हा घरी परत आलीस तर जीवे मारू, अशी धमकी देखील देण्यात आली. महिलेच्या तक्रारीवरून परभणीच्या दैठणा पोलीस ठाण्यात पतीसह सासरच्या पाच जणांविरुद्ध गुन्हा दाखल करण्यात आला आहे.
फार्महाऊसवर पिकनिकसाठी गेले, आनंदाचा क्षण दु:खात बुडाला; आईची नजर चुकवत चिमुकला गेला अन् आक्रित घडलं
मिळालेल्या माहितीनुसार, सोनाली धनंजय बडगुजर, वय २६ वर्ष, राहणार जाम तालुका जिल्हा परभणी यांनी घटना पोलीस ठाण्यात दिलेल्या तक्रारीत असं म्हटलंय, की एप्रिल २०२४ रोजी धनंजय बडगुजर यांच्यासोबत सोनालीचा विवाह झाला होता. यामध्ये चार लाख रुपयांचं पाच तोळे सोनं आणि इतर संसार उपयोगी साहित्य देखील देण्यात आलं होतं. लग्नानंतर सुरुवातीला सासरच्या मंडळींनी मला चांगली वागणूक दिली.
धड एका विहिरीत, तर मुंडकं दुसऱ्या विहिरीत; पहिलवान बाबा मंदिराच्या सेवेकऱ्याची क्रूर हत्या, अहिल्यानगर हादरलं
एप्रिल २०१८ मध्ये मला जेव्हा पहिली मुलगी झाली त्यानंतर मात्र सासरच्या मंडळींनी आम्हाला मुलगा हवा होता असं म्हणत त्रास देण्यास सुरुवात केली. याबाबत सासरच्या लोकांनी नाराजी देखील व्यक्त केली. त्यावेळेस मी त्यांना दुसरा मुलगा होईल असं म्हणून समजूत काढत होती. ऑगस्ट २०२० मध्ये मला पुन्हा एकदा दुसरी मुलगी झाली. त्यानंतर मात्र सासरच्या मंडळींनी सोनालीला त्रास द्यायला सुरुवात केली. आम्हाला मुलगा पाहिजे होता पण दुसरी देखील मुलगीच झाली असे टोमणे मारून चांगलाच त्रास देऊ लागले. उपाशी पोटी देखील ठेवण्यात येऊ लागलं. तुला मुलगा झाला नाही, तुझे चारित्र्य चांगलं नाही, असं म्हणत मला घराबाहेर काढलं आणि पुन्हा जर परत आलीस तर जीवे मारण्याची धमकी देखील देण्यात आली.

त्यानंतर सोनाली आपल्या माहेरी वडिलांकडे आली. तिने पोलीस स्टेशनमध्ये रीतसर सासरच्या मंडळींविरुद्ध तक्रार दिली. सुरुवातीला भरोसा सेलच्या माध्यमातून संसार जुळवण्याचा प्रयत्न करण्यात आला. पण त्याचा काही उपयोग न झाल्याने शेवटी सोनालीच्या तक्रारीवरून पती धनंजय बडगुजर, सासू सुशीला बडगुजर, दीर विपुल बडगुजर, चुलत दीर ज्ञानेश्वर बडगुजर आणि चुलत भाऊ निकिता बडगुजर यांच्याविरुद्ध परभणीच्या घटना पोलीस ठाण्यात गुन्हा दाखल करण्यात आला आहे.