साई संस्थानने काढलेल्या पत्रकात म्हटले आहे की, साईंच्या दर्शनासाठी येणाऱ्या साईभक्तांना विविध सेवा सुविधा पुरविणे तसेच संस्थानमार्फत कार्यान्वित असलेल्या वैद्यकिय व इतर सेवा सुविधा पुरविण्यासाठी संस्थानचे विविध विभागांमध्ये कर्मचाऱ्यांचे वेगवेगळया शिफ्टमध्ये कामाचे नियोजन करण्यात आले आहे. बहुतांश कर्मचारी हे दूर गावांमधून कामावर येतात. त्यासाठी त्यांना रात्रीचा प्रवास करावा लागतो, त्यामुळे त्यांना अनेक अडचणींना सामोरे जावे लागते. यासाठी या निर्णयामुळे कर्मचाऱ्यांना दिलासा मिळणार आहे.

तसेच ही अडचण लक्षात घेता, संस्थानचे दैनंदिन कामकाज सुरळीत चालावे तसेच कर्मचाऱ्यांच्या सोईसाठी प्रसादालय, मंदिर व शैक्षणिक संकुल हे विभाग वगळता इतर सर्व विभागांचे दैनंदिन प्रशासकीय कामकाजासाठी वेळापत्रक तयार करण्यात आले आहे.

१. पहिली शिफ्ट – सकाळी ६ ते दुपारी २
२. दुसरी शिफ्ट – दुपारी २ ते रात्री १०
३. तिसरी शिफ्ट – रात्री १० ते सकाळी ६
४. जनरल शिफ्ट – सकाळी १० ते सायंकाळी ६

तसेच कर्मचाऱ्यांच्या हजेरी बायोमेट्रिक पद्धतीने नोंद ठेवण्याच्या सूचना देखील मंदिर प्रशासनाकडून देण्याता आल्या आहेत.