पाच वर्षांपूर्वी वैधव्य

भादोला तालुक्यातील वसंतराव निकम यांचे लहाने बंधू – विजय यांचे पाच वर्षांपूर्वी निधन झाले. त्यामुळे कमी वयात संजना यांच्यावर वैधव्याचा डोंगर कोसळला. विजय-संजना यांच्या पाच वर्षांच्या संसारवेलीवर मुलींच्या रुपाने दोन फुलंही उमलली. मात्र विजय यांच्या निधनामुळे हा परिवार पूर्णतः विस्कळीत झाला होता.

घरातील कर्ता पुरुष गेल्यानंतर मालमत्तेसाठी गृहकलह सुरू होतात. वैधव्य भाळी आलेल्या महिलेकडे द्वेष भावनेने पाहिले जाते. मात्र सामाजिक क्षेत्रामध्ये कार्य केलेल्या वसंतरावांनी गृहकलह बाजूला सारुन पत्नी आशा यांच्या मदतीने वहिनी संजनासाठी स्थळ शोधण्याचा विचार केला.

बुलढाण्यामध्ये मानस फाऊंडेशनने याबाबत पुढाकार घेतला आहे. अनेक ठिकाणी लग्न जुळवूनही आणली आहेत. विधवा महिलांना जोडीदार देण्यासाठी प्राध्यापक डी एस लहाने सातत्याने प्रयत्नशील आहेत. त्यामुळे वसंतराव यांनी प्राध्यापक लहाने यांच्याजवळ आपला विचार बोलून दाखवला.
Nashik News : नवऱ्याने जीव दिला, सासरच्यांनी घराबाहेर काढलं; नाशिकची माऊली म्हणते, लेकीचं लग्न तरी डोळ्याने पाहू द्या हो!

प्रथमवराशी विवाह

मानस फाउंडेशनने घेतलेल्या कार्याला हे बळ असल्याचे पाहून प्राध्यापक लहाने व वसंतराव निकम यांनी हा विवाह पार पाडला. खामगाव जवळील मोहाडी येथे दिनांक २८ जानेवारी रोजी हा विवाह सोहळा समाजातील निवडक व्यक्तींच्या उपस्थितीत नवरदेव सतीष परीहार (अमडापुर) या तरूणासोबत पार पडला. विशेष म्हणजे सतीषचे पहिले लग्न असून त्याने दोन मुलींनाही स्वीकारले आहे.

या सोहळ्यासाठी मानस फाउंडेशनच्या प्राध्यापक शहीनाताई पठाण प्रामुख्याने उपस्थित झाल्या होत्या. निकम परिवारातील त्यांचे जेष्ठ बंधू डॉक्टर निकम, संजनाचे वडील सुखदेव भुसारी, आई द्वारकाबाई, सामाजिक कार्यकर्ते अनिल इंगळे, हिरालाल जैन, वानखेडे व शंकर भाऊ उपस्थित होते.
Devendra Fadnavis : १७ वर्षांचं लेकरु आजारी, आईने मंगळसूत्र विकलं; व्यथा समजताच फडणवीस हळहळले, मुख्यमंत्र्यांचा मोठा निर्णय
या सोहळ्यामध्ये सर्व सोपस्कार दीर वसंतरावांनी पार पाडले व शेवटी बापाच्या भूमिकेतून कन्यादानही केले. विधवा वहिनीच्या पाठीशी उभ्या राहणाऱ्या ‘बापमाणूस’ वसंतराव यांनी समाजासमोर एक आदर्श उभा केला आहे.