ठाण्यात शिवसेनेवर कुरघोडी करण्याचे प्रयत्न भाजपकडून सुरु आहेत. त्याच प्रयत्नांचा भाग म्हणून पालघरचे पाककमंत्री असलेल्या गणेश नाईक यांनी ठाण्यात जनता दरबार भरवण्याची घोषणा गेल्याच आठवड्यात केली. भाजपच्या कुरघोडीला आता शिवसेना नवी मुंबईत उत्तर देणार आहे. काँग्रेस पक्षाचा राजीनामा दिलेले, उपमहापौर रमाकांत म्हात्रे शिवसेनेत प्रवेश करणार आहेत. १९ फेब्रुवारीला त्यांचा शिंदेंच्या शिवसेनेत प्रवेश होईल.
ठाकरेंचा अखेरचा बालेकिल्ला भेदण्यासाठी विकेंद्रीकरणाचा डाव; शिंदेंचा प्लान ठरला
शिंदेंना त्यांच्याच बालेकिल्ल्यात घेरण्यासाठी भाजपनं रणनीती आखल्याची चर्चा आहे. त्याचाच भाग म्हणून शिंदेंचे कट्टर विरोधक असलेले गणेश नाईक आता ठाण्यात सक्रिय झाले आहेत. त्यामुळे आता शिवसेनेनं नाईकांना अडचणीत आणण्यासाठी फिल्डींग लावण्यास सुरुवात केली आहे. रमाकांत म्हात्रे यांच्यासह त्यांचे पुत्र अनिकेत म्हात्रे आणि त्यांचे शेकडो कार्यकर्ते सेनेत प्रवेश करणार आहेत. अनिकेत म्हात्रे प्रदेश युवक काँग्रेसचे माजी उपाध्यक्ष आहेत.

मुलगा अनिकेतला ऐरोली विधानसभा मतदारसंघातून विधानसभेचं तिकीट मिळावं यासाठी रमाकांत म्हात्रे प्रयत्नशील होते. पण त्यांना तिकीट नाकारण्यात आलं. तिकिटासाठी पक्षानं ४ कोटी मागितले होते, असा गंभीर म्हात्रेंनी केला. भाजपनं काँग्रेसच्या नेत्यांना मॅनेज केल्याचा गंभीर आरोपही त्यांनी केला होता. गणेश नाईक प्रतिनिधीत्व करत असलेल्या ऐरोली मतदारसंघातील काही प्रभागांमध्ये म्हात्रे यांचं वर्चस्व आहे. त्याचा फायदा सेनेला नवी मुंबई महापालिका निवडणुकीत होऊ शकतो.
चंद्रपूरचा बीड करायचा नाही बरं! मुनगंटीवार DPDCच्या बैठकीत बरंच बोलले; वातावरण तापले
शिवसेना उबाठासह काँग्रेसच्या काही माजी आमदारांना पक्षात घेण्याची योजना शिंदेंच्या पक्षानं आखली आहे. त्याला ऑपरेशन टायगर असं नाव देण्यात आलं आहे. उद्योग मंत्री उदय सामंत यांच्याकडे त्या ऑपरेशनचं नेतृत्त्व देण्यात आल्याची चर्चा राजकीय वर्तुळात आहे. ऑपरेशन टायगरच्या माध्यमातून कोणकोणते नेते शिवसेनेत येणार याची एक यादी गेल्या आठवड्यात समोर आली होती. त्या यादीत रमाकांत म्हात्रे यांचं नाव होतं.