अहिल्यानगर येथे पार पडलेली महाराष्ट्र केसरी कुस्ती स्पर्धा ही वादात सापडली आहे. शिवराज राक्षे यांची पाठ टेकली का, यावर पंचांच्या निर्णयाबाबत सर्वत्र आक्षेप घेतले जात आहेत. मात्र, पंचाला लाथ मारल्याच्या आरोपावरून शिवराज राक्षे आणि महेंद्र गायकवाड यांच्यावर कारवाई करण्यात आली. या निर्णयाविरोधात कुस्तीगीर वस्ताद काका पवार यांनी आवाज उठवला.आम्ही ऑल इंडिया महासंघाकडे दाद मागू असा थेट इशारा महाराष्ट्र कुस्तीगीर संघटनेला दिला आहे.