Authored byमानसी देवकर | Contributed byप्रदिप भणगे | महाराष्ट्र टाइम्स.कॉम2 Feb 2025, 4:37 pm
उल्हासनगर येथील पोलीस ठाण्यात गोळीबार झालेले कल्याण पूर्वचे शिवसेनेचे तत्कालीन शहरप्रमुख महेश गायकवाड यांनी आज (२ फेब्रु.) उल्हासनगरच्या डीसीपी कार्यालयावर मूक मोर्चा काढला. गोळीबाराच्या घटनेला एक वर्ष पूर्ण होऊनही भाजपचे माजी आमदार गणपत गायकवाड यांचा मुलगा वैभव गायकवाड हा अजूनही फरार असल्यामुळे महेश गायकवाड यांनी आपल्या समर्थकांसह हा मोर्चा काढला. तर दुसरीकडे अटकेत असलेले गणपत गायकवाड यांना पोलिसांकडून व्हीआयपी ट्रीटमेंट मिळत असल्याचा आरोप महेश गायकवाड यांनी केलाय.
