अतिक्रमण केल्याचे सांगत महानगरपालिकेने वृद्ध दाम्पत्याचा संसार उद्ध्वस्त केल्याची घटना जळगावत घडली होती. विश्वनाथ सुतार व जनाबाई सुतार हे दांपत्य गेल्या ५२ वर्षापासून या जागेवरती राहतंय. महानगरपालिकेमध्ये पाणीपट्टी व घरपट्टीचा टॅक्स सुद्धा ते अनेक वर्षांपासून भरत आलेत. मात्र कुठलीही नोटीस न देता महानगरपालिकेने कारवाई केल्याने अनेकांनी यावर संताप व्यक्त केला होता. मात्र आता या प्रकरणाची दखल घेत भाजप नेते आणि मंत्री गिरीश महाजन यांच्या जी एम फाउंडेशनने वृद्ध दाम्पत्याची जबाबदारी स्वीकारलीय. जी एम फाउंडेशनच्यावतीने सुतार दाम्पत्याला तीन ते चार महिन्याचा किराणा भरून देण्यात आलाय. तसेच या आजी आजोबांसोबत मंत्री गिरीश महाजन आणि जीएम फाउंडेशन असून त्यांना न्याय देण्यात येईल, असे गिरीश महाजनांचे स्वीय सहाय्यक अरविंद देशमुख यांनी सांगितले.