वृत्तानुसार बाधितांमधील बहुतेक रुग्ण हे पुणे शहराला नव्याने जोडलेल्या भागातील आहेत. यातील किमान २० जण हे शेजारच्या पिंपरी चिंचवडमधील आहेत. तर पुण्याच्या रुग्णालयातही आसपासच्या जिल्ह्यातील ८ रुग्ण उपचार घेत आहेत. सकाळी समोर आलेल्या आकडेवारीनुसार १११ रुग्णांपैकी २१ रुग्ण हे ९ वर्षांखालील होते आणि ५६ रुग्ण हे २० ते ५० वयोगटातील होते.

दरम्यान राज्याच्या आरोग्य विभागाने पुणे महानगरपालिका आणि ग्रामीण अधिकाऱ्यांना परिस्थिती नियंत्रण ठेवण्याच्या सूचना दिल्या आहेत. काही रुग्णांचे नमूने नॅशनल इन्स्टिट्युट ऑफ व्हायरोलॉजी (NIV) कडे पाठवण्यात आले होते. या ५७ नमून्यांपैकी १७ नोरोव्हायरस आणि ५ कॅम्पिलोबॅक्टर जेजुनीसाठी पॉझिटिव्ह आले, जी GBSची लक्षणं मानली जातात. तर ७६ रक्तांचे नमुने NIVला पाठवण्यात आल्यानंतर असे निदान झाले की, रुग्णांमध्ये झिका, डेंग्यु आणि चिकनगुनियाचे संक्रमण आहे, जे GBS होण्यासाठी कारणीभूत ठरु शकतात.