मिळालेल्या माहितीनुसार, मृत कॉन्स्टेबल रामचंद्र रोहनकर यांना एका हॉटेलमध्ये भांडण केल्यामुळे तीन महिन्यासाठी बडतर्फ करण्यात आलं होतं. त्यानंतर त्यांनी परत आपली ड्यूटी जॉईन केली. मात्र १० दिवसांपूर्वी या पोलीस कर्मचाऱ्याला बडतर्फ करण्यात आल्याची नोटीस मिळाली आणि त्यांना कारणे दाखवा नोटीस ही देण्यात आली होती. त्यामुळे ते तणावात होते.
महाकुंभ मेळ्यातील चेंगराचेंगरीत ३० भाविकांचा मृत्यू, ९० जण जखमी; अधिकाऱ्यांनी दुर्घटनेचं कारणही सांगितलं
काही दिवसांपूर्वी त्यांनी नवीन घर विकत घेतल्याची माहिती आहे. तसंच मुलांच्या शिक्षणाच्या खर्चाचा त्यांच्यावर प्रचंड ताण होता. आर्थिक समस्यांमुळे त्यांना मानसिक दबावाचा सामना करावा लागला आणि ते तणावात होते. या तणावामुळे त्याने विष प्राशन केल्याची शक्यता व्यक्त केली जात आहे. तसंच पोलीस प्रशासनाने या घटनेचा तपास सुरू केला असून, मृतकाच्या आत्महत्येचं इतर कोणतं कारण असू शकतं का? याची सखोल चौकशी केली जात आहे. रामचंद्र रोहनकर यांच्या मृत्यूने, पोलीस कर्मचाऱ्यांच्या मानसिक आरोग्याच्या समस्यांबाबत गंभीर प्रश्न उपस्थित केले आहेत.
नागपूरात पेट्रोल पंपावर गाव गुंड्यांचा हल्ला, पैसे लुटण्याचा प्रयत्न; गृहमंत्र्यांच्या शहरात कायदा आणि सुव्यवस्थेवर प्रश्नचिन्ह
दरम्यान, काही दिवसांपूर्वी ग्रामीण जिल्हा पोलीस अधीक्षक हर्ष पोद्दार यांच्या शासकीय बंगल्यावर कार्यरत असलेल्या एका पोलीस कर्मचाऱ्याने आपल्या सर्विस रिवाल्वरमधून गोळी झाडून आत्महत्या केली होती. गंभीर अवस्थेत या पोलीस कर्मचाऱ्याला वर्धा रोडवरील एम्स रुग्णालयात दाखल करण्यात आलं होतं.

या दोन घटनांमुळे पोलीस दलातील मानसिक आरोग्याचा प्रश्न पुन्हा एकदा उभा राहिला आहे. कामाच्या ताण, दबाव आणि मानसिक असंतुलनामुळे पोलीस कर्मचारी अशा प्रकारच्या निर्णयांना सामोरं जात आहेत का, हा एक चिंतेचा मुद्दा आहे. पोलीस विभागाने या घटना गंभीरपणे घेतल्या असून, संबंधित विभागाने पोलीस कर्मचाऱ्यांचं मानसिक आरोग्य राखण्यासाठी उपाययोजना करण्याची गरज व्यक्त होत आहे.