रायगडच्या पालकमंत्रिपदाचा निर्णय २ दिवसांत जाहीर होईल. योग्य निर्णय होईल. तुम्ही घाई करु नका, असं मंत्री आणि सेनेचे आमदार भरत गोगावलेंनी माध्यमांना सांगितलं. जे झालं, ते झालं. आता जे होईल, ते चांगलं होईल, असं म्हणत गोगावलेंनी सूचक विधान केलं. तुम्हाला अजित पवारांकडून पालकमंत्रिपदाचं आश्वासन मिळालंय का, असा प्रश्न पत्रकारानं विचारला. त्यावर घाई करु नको. उलटं काही विचारु नको, असं उत्तर गोगावलेंनी दिलं.
बाप बसलाय इथे! ऑडिओ क्लिपमध्ये कराडची फुशारकी; महिला पोलिसासोबतच्या कॉलची क्लिप व्हायरल
गोगावले यांच्यासोबत जिल्ह्यातले अन्य दोन आमदारदेखील अजित पवारांच्या भेटीला गेले होते. आमदार महेंद्र थोरवेंनी चालू घडामोडींवर मोजक्या शब्दांत भाष्य केलं. आज मौनी अमावस्या असल्यानं नो कमेंट्स. सगळं सकारात्मक होईल अशी अपेक्षा आहे, अशी त्रोटक प्रतिक्रिया थोरवेंनी दिली.

आमदार महेंद्र दळवींनी हसऱ्या चेहऱ्यानं माध्यमांशी संवाद साधला. मौनी अमावस्या असल्यानं मौन असल्याचं सांगणारे दळवी भरभरुन बोलले. ‘पालकमंत्रिपदाबद्दल आता काही वाद नाही. आमचे वरिष्ठ निर्णय घेतील. निर्णय भरतशेठच्या बाजूनं होईल. आम्ही शिंदे साहेबांकडे कैफियत मांडलेली आहे,’ असं दळवींनी सांगितलं.
कराडचा पाय आणखी खोलात; ईडीच्या एन्ट्रीची शक्यता, ‘त्या’ याचिकेनं फास आणखी आवळला
‘पालकमंत्रिपदाबद्दल चर्चा करण्यासाठी अजित पवारांकडे आलेलो नाही. खासगी खारपट्ट्याचा विषय आहे. त्यासाठी निधी हवा आहे. त्या कामासाठी अजित पवारांकडे आलो होतो. पण ते जेवत आहेत. त्यामुळे दुपारनंतर त्यांची भेट घेऊ. खारपट्ट्याचा विषय भरतशेठच्या खात्याच्या अंतर्गत येतो. त्यासाठी विशेष निधी हवा आहे. तो शासनानं द्यावा, यासाठी अजित पवारांच्या भेटीला गेलो होतो,’ असं दळवी म्हणाले.