एका अल्पवयीन मुलाचा या कृत्यात सहभाग असून, ‘चाइल्ड पोर्नोग्राफी’ बघून त्याने हे कृत्य केल्याचे पोलिसांनी सांगितले. या विधिसंघर्षित बालकाची चौकशी पूर्ण झाली असून, पोलिस पुढील कायदेशीर कारवाई करीत आहेत.

काय आहे प्रकरण?

दि. १९ जानेवारी रोजी रात्री आठ वर्षीय बालकाचा संशयास्पद मृतदेह आढळल्याने खळबळ उडाल्यानंतर २० जानेवारी रोजी शवविच्छेदन करण्यात आले. त्यात बालकाच्या छातीला गंभीर दुखापतीसह बरगड्या तुटल्याचे आढळले. त्याच्यावर अनैसर्गिक अत्याचार झाल्याचेही शवविच्छेदनातून समोर आल्याचे वैद्यकीय अधिकाऱ्यांनी स्पष्ट केले होते.

या घटनेची माहिती मिळताच पोलिस उपायुक्त मोनिका राऊत, सहाय्यक आयुक्त सचिन बारी, उपनगरचे वरिष्ठ निरीक्षक जितेंद्र सपकाळे, सहाय्यक निरीक्षक नरेंद्र बैसाने व गुन्हे शोध पथक घटनास्थळी दाखल झाले होते.
Dombivli Boy Falls : क्रिकेटचा सराव कामी, चित्त्याच्या चपळाईने धाव, डोंबिवलीत बाळाचा कॅच, भावेश म्हात्रेने सांगितला थरार

अकरा वर्षीय मुलगा ताब्यात

दरम्यान, शवविच्छेदन अहवालानंतर खुनाच्या कलमासह लैंगिक गुन्ह्यांपासून मुलांचे संरक्षण (पोक्सो) अंतर्गत अज्ञाताविरुद्ध गुन्हा नोंदविण्यात आला. या गुन्ह्याच्या तपासात पोलिसांनी अकरा वर्षीय मुलास ताब्यात घेतले. सखोल चौकशीअंती त्या मुलाने बालकावर वारंवार अनैसर्गिक अत्याचार केल्याचे समोर आले. त्यामुळे पोलिसांनी विधिसंघर्षित मुलाला ताब्यात घेत बालन्याय मंडळासमोर हजर करून जबाब नोंदवला.
Pune News : ॲपद्वारे मैत्री, ३२ वर्षीय समलिंगी तरुणाला भेटायला बोलावलं, पुण्यातील निर्जन स्थळी नेलं अन्…
त्यानुसार पुढील कायदेशीर कारवाई व तपास सुरू आहे. दरम्यान, आठ वर्षीय बालक दिव्यांग होता. घटनेपूर्वी पतंग उडविण्यासाठी तो इमारतीच्या गच्चीवर गेला. त्यावेळी तोल गेल्याने निर्माणाधीन इमारतीच्या खड्ड्यात पडून गंभीर दुखापतीमुळे त्याचा मृत्यू झाला. या प्रकरणी घातपात वा खुनाची घटना सीसीटीव्ही आणि इतर तांत्रिक पुराव्यांतून उघड होत नसल्याचे पोलिसांनी स्पष्ट केले.