वृत्तानुसार, प्रांजलीचे वडील रिझर्व्ह बँकेत बडे अधिकारी असून, आई गृहिणी आहे. प्रांजली ऑनलाइन गेमिंगच्या आहारी गेली. गेल्या अनेक दिवसांपासून ती इंटरनेटवर मृत्यूबाबत वाचायला लागली. मृत्यूनंतर काय होते, याची उत्सूकता तिला निर्माण झाली. ती रशियन संस्कृतीबाबतही इंटनेटवरून माहिती घेत होती. रविवारी रात्री ती खोलीत झोपली. मध्यरात्री प्रांजलीने चाकूने हातावर क्रॉसचे चिन्ह काढले. त्यानंतर तिने नस कापली. नस कापल्यानंतर तिने चाकूने गळा चिरला. सोमवारी पहाटे तिची आई खोलीत आली. प्रांजली ही रक्ताच्या थारोळ्यात आईला दिसली. आईने आरड-ओरड केल्याने प्रांजलीचे वडील खोलीत आले. प्रांजलीला रक्ताच्या थारोळ्यात बघताच त्यांना जबर धक्का बसला. प्रांजलीचे आई-वडील धाय मोकलून रडायला लागले.

प्रांजलीच्या वडिलांनी पहिल्या माळ्यावर राहणाऱ्या भावाला माहिती दिली. त्यानंतर धंतोली पोलिसांना माहिती देण्यात आली. माहिती मिळताच धंतोली पोलिसांनी घटनास्थळ गाठले. पंचनामा करून पोलिसांनी मृतदेह उत्तरीय तपासणीसाठी मेडिकल कॉलेज हॉस्पिटलकडे रवाना केला. याप्रकरणी धंतोली पोलिसांनी आकस्मिक मृत्यूची नोंद केली असून पुढील तपास सुरू केला आहे.