डोंबिवली पश्चिमेकडील देवीचा पाडा परिसरात राहणारा भावेश म्हात्रे हा ३५ वर्षीय युवक इमारत बांधकाम करण्याचे तसेच घराच्या खरेदी विक्रीचे व्यवहार करतो. काल शनिवार २५ जानेवारी रोजी देवीचा पाडा परिसरात असलेल्या अनुराज इमारतीत तो ग्राहकांना घर दाखविण्यासाठी गेला होता. ग्राहकांना घर दाखवून इमारती बाहेर येत असताना याच इमारतीच्या तिसऱ्या माळ्यावरील घरात रंगकाम सुरू असल्याने काचा खराब होऊ नयेत यासाठी त्यांनी काचा काढून ठेवल्या होत्या. याच उघड्या काचाच्या गॅप मधून गॅलरीत खेळणारा दोन वर्षाचा चिमुरडा खाली पडला.

डोंबिवलीतील देवीचापाडा परिसरातील थरारक घटना, 13 मजली इमारतीच्या तिसऱ्या मजल्यावरून दोन वर्षांचा चिमुरडा खाली पडला#dombivli #viralvideo #marathinews pic.twitter.com/uPayoJqSC0

— Maharashtra Times (@mataonline) January 26, 2025

सुदैवाने इमारती मधून बाहेर पडलेला भावेश मागे वळून ग्राहकांशी बोलत असतानाच त्याने खाली पडणाऱ्या चिमुरड्याकडे पाहताच क्षणाचाही विलंब न लावता धाव घेत या बाळाला झेलण्याचा प्रयत्न केला. मात्र त्याच्या हातातून बाळ निसटले तर त्याने पाय पुढे करत त्याला पायावर झेलण्याचा प्रयत्न केला यामुळे बाळ त्याच्या पायावरून जमिनीवर घसरले यामुळेच तिसऱ्या माळ्यावरून पडल्यानंतरही बाळाचा जीव वाचला. भावेशच्या या प्रसंगावधनाचे परिसरातून कौतुक होत आहे. इमारतीच्या सीसीटीव्हीत हा घटनेचा थरार कैद झाला असून हा व्हिडिओ वेगाने व्हायरल होत आहे.